TIRANE- Që nga viti 1991 deri në 2013-n, ish-ushtarakët janë endur dyerve të gjykatave për të marrë përfitimet që ata pretendojnë. Nëse ligji i vitit 1991 u jepte të ardhura prej 35% të pagës referuese, për pensionet suplementare dhe 40% për pensionet e parakohshem, ligji i vitit 2005 të miratuar nga qeveria Nano, u rriti përfitimet. Me ligjin e vitit 2005 pensioni suplementar llogaritej në masën 40% të pagave referuese plus 2% shtesë për çdo vit, kush kishte plotësuar 15 vite shërbimi.