VIDEO/ Ishin mbledhur për të marrë ndihma për Ramazanin, 78 të vrarë në Jemen

Të paktën 78 persona janë vrarë në një përplasje në një shkollë në kryeqytetin e Jemenit Sanaa, ku qindra njerëz u mblodhën për të marrë ndihma për muajin e Ramazanit. Ndërkohë, dhjetëra të tjerë mbetën të plagosur, ndërsa 13 janë në gjendje kritike për jetën.

“Gra dhe fëmijë ishin në mesin e të vdekurve”, tha një zyrtar i sigurisë Houthi për agjencinë e lajmeve AFP në kushte anonimiteti.

Kjo përplasje ndodhi me rebelet Houthi, të cilët e kanë drejtuar qytetin që kur dëbuan qeverinë në vitin 2015. Agjencia e lajmeve Associated Press citon dy dëshmitarë okularë të cilët thanë se luftëtarët Houthi kishin qëlluar në ajër në një përpjekje për të kontrolluar turmën, me sa duket duke goditur një tel elektrik që rezultoi në një shpërthim. Kjo shkaktoi panik që çoi në shtypjen e turmës.

Ata që janë përgjegjës janë arrestuar dhe një hetim është duke u zhvilluar, tha ministria e brendshme.

Ngjarja ka ndodhur gjatë ditëve të fundit të muajit të shenjtë të Ramazanit.

 

 

 

SI.E./KT/Shqiptarja.com

TAG:
• muaji i ramazanit
• Jemen