POP 5

Lajmet më të lexuara të 5 minutave të fundit

Politikë

Lajme nga emisionet

Ish-ministri i Jashtëm, Starova: Në samitin e Tiranës, Zelensky dha mesazh se edhe rajoni rrezikohet nga konflikti! Duhet forcuar siguria e vendit

Ish-ministri i Jashtëm, Arjan Starova teksa analizoi samitin e djeshëm për Ukrainën dhe atë të sotmin për Ballkanin Perëndimor në Tiranë, e vuri theksin tek angazhimi i vendit në rritjen e sigurisë së vendit. Në një lidhje skype për Report Tv, Starova tha se Zelensky përcolli mesazhin se rajoni i Ballkanit duhet të përgatitet për një konflikt të mundshëm. 

Zelensky me deklaratat e tij gjatë samitit për Ukrainën në Tiranë bëri thirrje që edhe ne të përgatitemi në rast se në rajon shpërthen një konlfikt i mundshëm. Kështu u shpreh ish-ministri i Jashtëm i Shqipërisë, Arjan Starova në një lidhje skype për ‘Studio Live’ me gazetarin Arbër Hitaj në Report TV.

“Ai donte të tregonte se nuk ka siguri të garantuar. Donte të thonte që edhe ne të përgatitemi duke e ditur sesi është situata në rajonin tonë. Ka aktorë që kanë plane të fshehta për interesat e tyre gjeostrategjike. Kemi pretendim nga Serbia që thotë se nuk ka për ta njohur kurrë Kosovën.  Zelensky ka informacione të ndryshme dhe kur thotë se duhet të përgatitemi të gjithë për mbrojtjen natyrisht që ka parasysh se mund të ketë skenarë që dalin jashtë situatës së tanishme”- u shpreh Starova.

Ndërsa sa i takon mungesës së kryeministrit të Kosovës, Albin Kurti në samitin e Ballkanit Perëndimor që u mbajt sot në Tiranë, ish-zyrtari tha se mospjesëmarrja e tij mund të lidhet edhe me marrëveshjen që u firmos dje ku Serbia kërkoi heqjen e nocionit ‘shtetet’ duke qenë se nuk e njeh Kosovën si tëtillë.

“Në këtë situatë të britshtë sigurie, Kurti duke ndjerë se ka disa gjëra që nuk shkojnë, nuk deshi të bëhet aktor ose firmosës bashkë me një Serbi që nuk pranon ta njohë Kosovën dhe nuk pranon që Rusia është rrezik për rajonin. Kjo është diçka që i ka dhënë minus samitit të djeshëm”- shtoi ish-ministri.

Sa i takon mundësisë që Shqipëria të bashkëprodhojë municion me Ukrainën, gjë të cilën e pohoi edhe kryeministri Rama sot, Starova tha se vendi ynë nuk i ka mundësitë financiare për të bërë investime të mëdha në fushën e mbrojtjes.

“E rëndësishme është teknologjia, janë njerëzit që kanë përvojë. Teorikisht është e mundur të ndërtohet një industri ushtarake por të mos harrojmë se duhet të shohim faturën financiare. Nuk mendoj se Shqipëria është në gjendje të bëjë investime të mëdha në sektorin e mbrojtjes”-theksoi Starova.

Ndërsa kërcënimet e presidentit rus për përdorimin e arsenalit bërthamor nëse NATO ndërhyn në Ukrainë, ish-ministri i Jashtëm i konsideroi si bllofe të radhës të Putin i cili ka dështuar në operacionin e tij special për pushtimin e shpejtë të Ukrainës.

B.V//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03