Ish-presidenti Alfred Moisiu: Serbia e përfshirë kokë e këmbë në sulmin e Banjskës

Ish-presidenti Alfred Moisiu ka komentuar situatën e tensionuar në veri të Kosovës, ku më 24 shtator mbeti i vrarë nga banda serbe efekti Afrim Bunjaku. Moisiu ka kritikuar ashpër qasjen e Serbisë ndaj Kosovës.

I pranishëm në konferencën e liderëve të Ballkanit Perëndimor, me temë “Integrimi në Bashkimin Evropian, sfidat dhe perspektiva”, që po mbahet në Shkup, Moisiu ka shprehur shqetësimin për sulmet terroriste në Banjskë, ku sipas tij, duket qartë që e përfshirë është Serbia. Ai ka deklaruar se duhet të vazhdojnë përpjekjet që palët të ulen në bisedime.

“Dihet që në fillim duhet të bëjmë Ballkanin Perëndimor më të sigurt dhe pastaj të flasim për integrim. Pasi gjithë jemi të shqetësuar për pasigurinë e krijuar në vazhdimësi. Këto situata të cilat mund të mendohet se mund të shkohet me zgjidhje të gjata, duhet marrë më seriozisht si nga ne, ashtu edhe nga ata që mbajnë përgjegjësinë për ruajtjen e paqes në Evropë….

LEXO EDHE:
Serbët bojkotojnë zgjedhjet, shqiptarët mbeten në krye të komunave në veri të Kosovës! Osmani: Vuçiç shkeli fjalën që u dha ndërkombëtarëve

Më 24 shtator në Banjskë, jo vetme plasi por ndodhën disa gjëra të pakuptueshme, Beogradi jo vetëm që nuk u dënua, por u shpall një dite zie për ata që u vranë…Pra, duket qartë se këtu është përfshirë kokë e këmbë edhe shteti serb”, ka thënë ish-presidenti Moisiu.

SI.E./Shqiptarja.com

TAG:
• Alfred Moisiu
• tensione ne veri te kosoves
• vritet polici ne kosove