Ish-presidenti i Afrikës së Jugut Jacob Zuma është shpallur fajtor për mospërfillje dhe përçmim të gjykatës dhe e dënoi atë me 15 muaj burg, një veprim historik në luftën kundër korrupsionit në vend.
Gjykata Kushtetuese e Afrikës së Jugut urdhëroi që Zuma të paraqitej në një stacion policie në qytetin e tij të lindjes Nkandla ose Johannesburg brenda pesë ditësh.
Në një gjykim të ashpër, gjykata deklaroi
![](https://shqiptarja.com/template/img/NO_ALFA_Kuadrate shqiptarja.png)
"Nuk mund të ketë dyshim se Zuma ka përbuzur dhe mospërfillur gjykatën."
Urdhri erdhi pars refuzimit të Zumës për t'u paraqitur në një komision anti-korrupsion, ku do t’i përgjigjej pyetjeve në lidhje me përfshirjen e tij në vepra korruptive gjatë kohës që ai ka shërbyer si president. Zuma ka mohuar vazhdimisht akuzat.
Gjykatësi Khampepe tha që Zuma u përpoq të nëpërkëmbte legjitimitetin e Gjykatës Kushtetuese duke kryer një "fushatë denigrimi të motivuar politikisht" kundër saj, komisionit dhe gjyqësorit.
"Asnjë person nuk është mbi ligjin ... cilidoqoftë pozicioni i tij, niveli apo gjendja e tij," tha ajo.
Zuma shërbeu si President i Afrikës së Jugut nga 2009 në 2018.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Sa mir do te qe te ndodhte edhe ne shqipri. Nejse harrova.jemi ne shqiperi nuk ndodh kjo
Përgjigju