Ish-presidentët Moisiu, Topi dhe Sejdiu kryejnë homazhe së bashkuar në nderim të Nishanit: Humbje e madhe për shtetin shqiptar

 

Ish-presidenti Alfrend Moisiu si dhe ish-presidenti Bamir Topi bashkë me ish-presidentin e Kosovës Fatmir Sejdiu kryen homazhe në nderim të Bujar Nishanit. Në fjalën e tyre, ato vlerësuan figurën e Nishanit në shtetin shqiptar.

Alfred Moisiu: Mund të them që ka qenë president i mirë i përkushtuar për detyrën dhe për të zbatuar kushtetutën. Më vjen keq për këtë humbje të parakohshme për një njeri që ka kontribuar për vendin tonë. 

Bamir Topi: Sigurisht ishte një ditë e trishtuar për më tepër kur largohet në një moshë kaq të re duke i lënë një hidhërim të thellë familjes. E kam njohur rreth 22 vite më parë. La mbrapa një vepër shumë komplekse. I lehtë i qoftë dheu.

Fatmir Sejdiu: Është një humbje e madhe për shtetin shqiptar. Ka ditur që të prezantoj Shqipërinë në më të mirën e mundshme. Ne nuk kemi qenë në të njëjtën kohë president të vendit, por e ndjej veten me privilegj që kam njohur një njeri kaq fisnik. Një humbje që do të mbahet mend me pjesën e qetësisë që ai mori me vete. I qoftë i lehtë dheu shqiptar.

Lajmi kryesor:

I jepet lamtumira Bujar Nishanit, nderimi i fundit në Presidencë, prehet në Sharrë! Djali: Humbëm busullën e familjes

M.Q./r.k./Shqiptarja.com

TAG:
• ndahet nga jeta bujar nishani
• Bujar Nishani