POP 5

Lajmet më të lexuara të 5 minutave të fundit

Mero Baze: Për lotët dhe turpin e Sali Berishës në ceremoninë e presidentit

Ajo që ndodhi në ceremoninë mortore të presidentit Bujar Nishani, ëshptë ajo që Sali Berisha ka bërë në këtë vend, sa herë që ikin nga kjo botë miqtë dhe armiqtë e tij

Mero Baze: Për lotët dhe turpin e Sali Berishës në ceremoninë e presidentit

Sali Berisha dje ne homazhet në nder të presidentit Nishani

Ajo që ndodhi në ceremoninë mortore të presidentit Bujar Nishani, është ajo që Sali Berisha ka bërë në këtë vend, sa herë që ikin nga kjo botë miqtë dhe armiqtë e tij.

Ai përdhos çdo solemnitet të ceremonive mortore për interesin e tij politik. 

Në rastin konkret, ai është akti i fundit i përdorimit politik që Sali Berisha i ka bërë atij si president.

Akti i heqjes së një kurore lulesh dërguar nga Lulzim Basha nuk është bërë në emër të ndonjë armiqësie që familja Nishani ka me Lulzim Bashën. Është dhe më keq.

Është bërë për të “respektuar” Sali Berishën, i cili nuk mund të shikonte para syve dhe një tufë me lule me emrin e Lulzim Bashës.

Njeriu që shpesh herë u turret njerëzve në emër të kanunit dhe gjakmarrjes, në fakt ka bërë një gjest që as kanuni nuk ta lejon, pasi dhe ai të jep 24 orë kohë të shkosh tek familja e të vrarit.

Bujar Nishani dhe Lulzim Basha as ishin vrarë, as ishin prerë. E vetmja pakënaqësi e Nishanit ka qenë mos futja në listën e deputetëve më 2021, por siç doli, çdo listë, në çdo palë zgjedhjet, e ka bërë në fakt Sali Berisha.

Por dhe sikur ta ketë bërë Lulzim Basha, kjo nuk është një akt lufte i përjetshëm. 

Gjesti i shëmtuar në kufitjë e neverisë në një ceremoni mortore, është identiteti real i Sali Berishës.

Nuk ka lënë njeri që ka vdekur në këtë vend dhe e ka pas kundërshtar, pa e përbaltur.

Dikujt duke i përmendur dashnore, të tjerëve baballarë, nëna e motra.

Bujar Nishanin që e kishte mik, e përdori edhe të vdekur për të sulmuar armikun e tij.

Ky është respekti real që Sali Berisha ka për Bujar Nishanin.

Lotët e tij duke lexuar fjalimin, pasi u shkri së qeshuri me Rexhep Meidanin, janë në fakt makthi që ka për të ardhmen, ku do të ketë gjithnjë e më pak njerëz që mund t’i përdorë, edhe kur ikin nga kjo botë. 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erna: 04/06/2022 08:31

    Ashte Burri me I neveritshem qe ka patue dhe ka kjo shqiperi Halle madhe,por shume I zoti ama .cfar don e ban realitet femijet dhe brezat I ka siguruar per millionaire vote jo si Enveri we I vdiq grua ja me televizor Iliria . Per kete e vlersoj kush Nuk asht Per vete Nuk ashte Per asgje.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56