Ishte djali i një deputeti, përjashtohet nga shkolla private fëmija në Gjermani

Një fëmijë është përjashtuar nga një shkollë private në Gjermani sepse ishte djali i një deputeti të Partisë së Djathtë ”Alternativa për Gjermaninë” (AFD) në vend. Gazetat gjermane nuk e kanë komunikuar emrin e fëmijës për të mbrojtur privatësinë, por mësohet se shkolla private ”Ëaldorf”, ka refuzuar pranimin e fëmijës me arsyen se ky ishte djali i një politikani, çka ka ngjallur polemika, përfshirë edhe administratën e qytetit.

Shkolla private “Waldorf”, bazohet në linjën pedagogjike të projektuar nga pedagogu dhe filozofi Rudolf Steiner në fillim të shekullit XX .

Në këtë shkollë  përpiqet të promovohet të mësuarit e lirë të nxënësve, që është me rëndësi të madhe për natyrën shpirtërore të njeriut, lëndët artistike që ata mësojnë, thënë ndryshe studimi i natyrës shpirtërore të njeriut në mënyrë shkencore.

"Berliner Zeitung" gazeta e parë e cila u mor dhe trajtoi  këtë çështje deklaroi se përjashtimi i fëmijës ishte vendosur më datë 1 dhjetor .

Një përfaqësues i shkollës Gjermane tha se përjashtimi i fëmijës ishte vendosur për shkak se asnjë marrëveshje nuk u arrit mes mësuesve.

Vendimi i shkollës u kritikua gjithashtu nga shoqata e shkollës Steiner, dhe disa politikanëve të partisë me pozita shumë të ndryshme nga AfD, raporton Vaaju.com.

Senatorja vendase Sandra Scheeres e ka konsideruar vendimin e shkollës shumë të gabuar duke kritikuar se vërtet shkolla, ka të drejtë të bëj zgjedhje, por nuk duhet të vendosë për pranimin e fëmijes bazuar në idetë dhe orientimin politik të prindërve, pasi kjo në  këtë rast përbën diskriminim. Fëmija është regjistruar tashmë në një shkollë tjetër "Steiner", e cila përgjithësisht lejon një qasje të favorshme, dhe jo diskriminuese për periudhën studimore.

TAG:
• Berlin
• Shkolla në Gjermani
• Sandra Scheeres
• shkolla Waldorf