Një 22-vjeçar nga fshati Konisbaltë në Dimal është goditur nga një rrymë e fortë elektike dhe ndodhet në gjendje të rëndë në Repartin e Urgjencës në Spitalin Rajonal të Beratit, ku u transportua nga bashkëfshatarët e tij.
Mësohet se 22-vjeçari Bojken Danushi ishte duke punuar me Autokombajnë në fshatin Pashalli, ku po punonte tokat privatisht për shirjen e grurit.
Burime nga vendngjarja bëjnë me dije se, autokombajna ka kapur në telat e tensionit të lartë dhe rryma elektrike ka goditur 22-vjeçarin që ishte në drejtimin e mjetit.
![](https://shqiptarja.com/template/img/NO_ALFA_Kuadrate shqiptarja.png)
Danushi është transportuar në Spitalin Rajonal të Beratit, ku edhe pse ndodhet në kujdesin e mjekëve, gjendja e tij është e rëndë.
Në vendngjarja kanë shkuar edhe forca të shumta policie që po punojnë për zbardhjen e plotë të shkaqeve të ngjarjes, që sipas policisë, është ngjarje aksidentale.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)