Ishte zënë në lak prej tre ditësh, shpëtohet ariu i murrmë në Kukës! I mjekohen plagët dhe lihet të shijojë lirinë në habitatin e tij

Ishte zënë në lak prej tre ditësh, shpëtohet ariu i murrmë në Kukës! I mjekohen plagët dhe lihet të shijojë lirinë në habitatin e tij

Ariu i murrmë i shpëtuar

Një ari i murrmë është shpëtuar, pasi ishte zënë në lak prej tre ditësh në brendësi të Parkut Natyror Korab-Koritnik. Megjithëse terreni ku ishte zënë në lak ariu ishte i vështirë, grupi i punës arriti që të mjekojë plagët e gjendura në trupin e ariut, të cilat ishin krijuar nga tentativat e përsëritura për tu liruar nga kurthi ku kishte rënë. Në fund të procesit, ariu u pa nga aktivistët nga distanca që arriti të ngrihej e të lëvizte, megjithëse plagët do të vazhdojnë ta shqetësojnë për disa kohë.

'Pas njoftimit të marrë prej një banori të fshatit Xhaferaj, Kukës, në brendësi të Parkut Natyror Korab-Koritnik, mbi një ari të kapur nga një lak në afërsi të zonës ku ai banonte, PPNEA, së bashku me AWRT, Four Paws Kosovë, Adzm Kukës dhe banorë të zonës, arritën të lirojnë e të mjekojnë ariun që kishte më tepër se 3 ditë i zënë në kurth.

Megjithëse terreni ishte i vështirë, grupi i punës arriti që të mjekojë plagët e gjendura në trupin e ariut, të cilat ishin krijuar nga tentativat e përsëritura për tu liruar nga kurthi ku kishte rënë. Në fund të procesit, ariu u pa nga distanca që arriti të ngrihej e të lëvizte, megjithëse plagët do të vazhdojnë ta shqetësojnë për disa kohë.

Ekipi ynë falenderon të gjithë ata që morën pjesë në këtë operacion shpëtimi, i cili rezultoi i suksesshëm.

Ariu i murrmë (Ursus arctos) është një lloj që gëzon mbrojtje në nivel kombëtar e ndërkombëtar, duke u renditur në Ankesin II të Konventës së Bernës dhe në Direktivën Evropiane të Habitateve.PPNEA i bën thirrje institucioneve përgjegjëse të hetojnë këtë rast e të vendosin para drejtësisë të gjithë ata që vendosin të tilla kurthe për kapjen e jetës së egër, e cila përbën një vepër penale që ndëshkohet me ligj.'- njofton PPNEA.

 

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 30/07/2021 10:24

    Është shitur Shqipëria o Shqipëtarë !

    Përgjigju
  • Albi: 30/07/2021 06:37

    Lakun e do ai i Murrmi i Tiranes, shoku Rama...

    Përgjigju
  • Pukjani: 29/07/2021 15:07

    Po lakun kush u vuri? Po prokuroria a duhet te merret me kete rast kriminal ndaj kavshve te rradha?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!