Ishull-Lezhë, ujërat e zeza bllokojnë hyrjen e pallatit! Bashkia: Presim kredinë për të investuar në kanalizime

Këto janë pamjet në hyrje të një pallati 3-katësh në fshatin Ishull-Lezhë. Objekti ndodhet 3 km larg qytetit të Lezhës dhe është mbuluar nga ujerat e zeza.

Problematika vazhdon prej 1 muaji, duke u kthyer në rrezik për shëndetin e banorëve.

“Mban ere shumë e rëndë. Nuk hap dot derën e dyqanin. Njerëzit nuk kanë nga kalojnë, gjithë rruga me ujëra të zeza. Ka disa ditë kështu”, tha një banor.

LEXO EDHE:
Lezhë, myslimanë e katolikë bashkë në festën e 'Shën Markut'

Ndotja është shqetësim edhe në rrugën poshtë tregut të qytetit të Lezhës. Ujërat e zeza kanë dalë në sipërfaqe, duke vështirësuar lëvizjen e këmbësoreve si dhe penalizuar bizneset e familjaret që jetojnë në këtë zonë.

“Jemi ankuar në bashki, por askush nuk vjen për të zhbllokuar pusetat dhe pastruar”,- tha një tjetër banor.

Si zgjidhje të këtyre problematikave, Bashkia Lezhë sheh zbatimin e projektit të kanalizimeve të ujerave të bardha dhe të zeza në qytetit, investim i cili pritet të nisë së shpejti me financim të Bankës Gjermaneve për Zhvillim.

K.M/N.Xh/Shqiptarja.com

TAG:
• Lezhe
• Ujerat e zeza
• bashkia lezhe