Një organizatë e cila drejtohej nga një familje shqiptare dhe që trafikonte kokainë nga Hollanda e Zvicra drejt Italisë është shkatërruar nga policia Italiane ndërsa janë ekzekutuar 9 urdhër arreste.
 
Mediat raportojnë se organizata drejtohej nga familja shqiptare e cila ishte rezidente n në provincën e Firenzes.
 
Më shumë se 110 karabinierë morën pjesë në operacion për shkatërrimin e organizatës. Urdhër-arrestet ndërkohë janë ndërmarrë në provincat e Firenze, Lucca, Prato e Napoli.

Gjatë hetimeve policia arrestoi në flagrancë 2 persona dhe sekuestroi 2 kg kokainë.

Tre persona të tjerë u arrestuan nga policia zviceriane e cila sekuestroi 4 kg lëndë narkotike.

Kokaina e importuar fshihej në një magazinë të një shoqërie transporti  në Sesto Fiorentino ndërsa për ruajtjen e saj kujdesej nëj shqiptar i cili punonte në të zezë në kompani.

Shqiptari është në mesin e 9 të arrestuarve.


Redaksia Online
Al.N/Shqiptarja.com