ITALI-Policia italiane arreston gruan shqiptare, 64-vjeçarja e kishte shndërruar shtëpinë në Porte Vale në laborator droge.
 
Gjatë kontrollit në shtëpinë e shqiptares V.H policia ka gjetur rreth 60 gramë kokainë në dhomën e gjumit të cilën e kishte përshtatur për aktivitetin kriminal.
 
Ndërsa një sasi të lëndës narkotike e kishte fsheur nën jastëk. Nëse droga do të shitej në treg mund të kapte vlerën e 7 mijë eurove.

E moshuara shqiptare me nënshtetësi italiane është rezidente në Porte Vale dhe nga hetimet e para konsiderohet si një nga personat kryesor të trafikut të drogës në sheshin Jesi.
 
E moshuara jetonte së bashku me vajzën dhe dy nipërit në një shtëpi që ishte e frekuentuar gjatë gjithë kohës.
 
Por sipas hetimeve të policisë familjarët nuk janë të përfshirë në aktivitetin e paligjshëm të 64-vjeçares.

Redaksia Online
Al.N/Shqiptarja.com