Një gomone me gjysmë ton kanabis është kapur në brigjet italiane orët e para të mëngjesit të datës 24 mars. Në prangat e policisë kanë rënë dy skafistë të cilët janë të dy shqiptarë, K. Skëndaj, 45 vjeç dhe F. Soda, 34 vjeç. Gomonia e nisur nga Shqipëria u kap në brigjet e San Cataldo (Lecce). Mjeti lundrues rreth 7 m i gjatë dhe me një motor prej 200 kuaj fuqi, u pikas në det të hapur në orët e para të mëngjesit, ndërsa menjëherë nisi operacioni për bllokimin e saj, ku u angazhuan një helikoter dhe një anije e Guardia di Finanza.
Operacioni i koduar "Themis 2018" është kryer nga agjencia "Frontex" me ndihmën nga ajri dhe deti. Sipas policisë italiane, nëse droga do arrinte të hidhej në treg, do t'i sillte organizatës së fitime në vlerën 5 mln euro. Në njoftimin e policisë italiane thuhet se dy skafistët shqiptarë u përpoqën të arratiseshin drejt brigjeve të San Cataldos, por ndërhyrja në kohë e forcave policore bëri të mundur edhe arrestimin e tyre si dhe sekuestrimin e gomones me drogë. Guardia di Finanza vijon hetimet për identifikimin e rrjetit të trafikut ndërkombëtar të drogës nga Shqipëria në Itali dhe më tej në Europë. Ndërsa në Shqipëri janë arrestuar dy punonjës të policisë kufitare të Vlorës, të cilët kanë lejuar kapërcimin drejt Italisë të gomones me gjysmë ton marijuanë.
.jpg)
VLORE - Menjëherë pas finalizimit të operacionit në brigjet italiane ku u kap një gomone me 500 kg kanabis, policia shqiptare ka njoftuar se ka vënë në pranga dy punonjës të policisë kufitare të Vlorës. Sipas policisë, 2 punonjës të Policisë Kufitare në "Tri Port", n/Komisar Bledar Kuçi me detyrë përgjegjës turni dhe Inspektor Idlir Ajazaj, me detyrë ndihmës kontrollor, nuk kanë kryer praktikën e rregullt ligjore për regjistrimin e mjetit lundrues tip gomone.
Rezulton se mjeti lundrues, i cili figuron i regjistruar me dokumentacion në Stacionin Kufitar, ka hyrë në brendësi të Pikës "Tri Port" dhe pa u regjistruar ka dalë më pas në det.
N/Komisar i arrestuar Bledar Kuçi
Njoftimi i policisë shqiptare:
Operacion i përbashkët kundër trafikut të kanabisit, arrestohen 2 trafikantë kapet 500 kg kanabis.
• SHÇBA arreston 2 punonjës në Stacionin e Policisë Kufitare për "Shpërdorim detyre".
Policia e Shtetit dhe Policia Italiane, (siç është bërë e njohur edhe në deklaratën e palës Italiane) kanë finalizuar një operacion të përbashkët kundër trafikut të narkotikëve.
Në Itali u kap një gomone me drogë dhe u arrestuan 2 trafikantët shqiptarë. Policia e Shtetit përmes informacioneve konfideciale mësoi se gomonia dyshohej se mund të përdorej për trafik.
Në këtë moment Policia njoftoi palën Italiane nëpërmjet Grupit të Kufirit Detar të Guardia di Finanza të vendosur në Durrës dhe Zyrës Ndërlidhëse të Policisë Shqiptare në Itali dhe ka nisur operacioni i ndjekjes nga ajri dhe deti, përfshirë misionin FRONTEX.
Në Itali janë arrestuar 2 trafikantët shqiptarë K. Skëndaj, 45 vjeç dhe F. Soda, 34 vjeç, për trafik ndërkombëtar droge. Marijuana e sekuestruar është rreth 500 kg.
Hetimet gjithashtu kanë dokumentuar se 2 punonjës të Policisë Kufitare në "Tri Port" nuk kanë kryer praktikën e rregullt ligjore për regjistrimin e mjetit lundrues tip gomone, i cili u kap në Brindizi me lëndë narkotike. Rezulton se mjeti lundrues, i cili figuron i regjistruar me dokumentacion në Stacionin Kufitar, ka hyrë në brendësi të Pikës "Tri Port" dhe pa u regjistruar ka dalë më pas në det.
Shërbimi për Çështjet e Brendshme dhe Ankesave (SHÇBA), Vlorë, arrestoi 2 punonjës të Stacionit të Policisë Kufitare në ‘Tri Port’, N/Komisar Bledar Kuçi me detyrë përgjegjës turni dhe Inspektor Idlir Ajazaj, me detyrë ndihmës kontrollor.
Ndalimi i tyre është bërë për veprën penale të “Shpërdorimit të detyrës”. Hetimet po vijojnë në bashkëpunim me palën Italiane.
Komente
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Britani/ U kap në shtëpi bari, 21-vjeçari shqiptar pranon rolin e kopshtarit (EMRI)
22 Dhjetor, 19:58 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Shpërndanin drogë në Greqi, 4 të arrestuar, mes tyre dy shqiptarë
22 Dhjetor, 11:14
ka zera se ps do ta ndryshoj emrin,dhe do quhet.Klani Kriminal Droga.KKD.
PërgjigjuJo ore opinion do quhet Klani Kriminal TKSHBPT, dmth Tahiri KANABIZOI SHQIPERINE ME BANDAT E POLICEVE NGA TROPOLENA. Nese nuk ndeshkohet Tahiri, gomonet me kanabis dhe policet trafiksnte do tentojne te nisen serish.