POP 5

Lajmet më të lexuara të 5 minutave të fundit

Bota

VIDEO/ Ktheu vilën 3-katëshe në fermë kanabisi, arrestohet 28-vjeçari shqiptar në Itali! I sekuestrohen 90 kg drogë dhe 130 rrënjë hashashi

Guardia di Finanza finalizoi operacionin në zonën e Vicenza, 28-vjeçarin e tradhtuan banorët e zonës. Pikasën lëvizjet e dyshimta të të riut me furgon, edhe gjatë orëve të natës. Kishte bërë modifikime për aspirim nëpër mure dhe rrjet elektrik shtesë

Itali- Guardia di Finanza e Vicenza në Itali ka finalizuar një operacion antidrogë në zonën e Alto Vicenza, duke çuar në sekuestrimin e një shtëpie ferme trekatëshe, e vendosur pranë Monte di Malo.

Kjo ndërtesë, në dukje e braktisur, rezultoi të ishte një laborator i vërtetë për kultivimin, tharjen dhe paketimin e marijuanës.

Në përfundim të operacioneve, u gjetën dhe asgjësuan 103 bimëve marihuanë në vazo, me peshë mbi 60 kg, gati 30 kg marijuanë të tharë dhe sytha, duke e çuar peshën totale të lëndës narkotike në rreth 90 kg. Gjithashtu u sekuestruan dy telefona inteligjentë të përdorur nga i dyshuari, të cilët supozohet se ishin përdorur për të koordinuar operacionet e paligjshme.

Hetimet dolën nga informacionet e marra nga hetuesit e Seksionit Lëvizës të Njësisë së Policisë Ekonomiko-Financiare të Vicenza dhe sot (1 Tetor) u njoftua goditja e dukurisë kriminale.

Vëmendja u përqendrua tek një shqiptar 28-vjeçar, i vënë re nga disa qytetarë të alarmuar nga vajtja e vazhdueshme e tij nga ferma. Falë shërbimeve të vëzhgimit, agjentët konfirmuan praninë e të dyshuarit, i cili shkonte rregullisht në fermë me një furgon, edhe gjatë orëve të natës. Në një rast, ai u pa duke shkarkuar thasë me dhe, si dhe kanaçe me pleh bimësh.

Në godinë u konstatuan modifikime të veçanta të mureve, për t'i bërë hapësirat të përshtatshme për kultivimin, tharjen dhe paketimin e lëndës narkotike, gjithashtu nëpërmjet instalimit të një sistemi mbresëlënës ventilimi, lagështimi, vaditjeje dhe ndriçimi.

I gjithë sistemi u konstatua se ushqehej nga disa panele elektrike të zakonshme dhe instalime elektrike pa asnjë masë sigurie, duke nxjerrë në pah rrezikshmërinë e kushteve të punës brenda laboratorit. Ky skenar zbuloi jo vetëm paligjshmërinë e operacioneve, por edhe rrezikun e mundshëm për sigurinë publike.

Shqiptari, emri i të cilit nuk u publikua, u izolua më tej në ambientet e burgut të San Pio-s, në pritje të hetimeve dhe procesit të mëtejshëm.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Djegin karriget dhe sende drejt Spiropalit, si e vlerësoni aksionin e PD?

Lajme të tjera



×

Lajmi i fundit

Vjeshta e tetorit, me temperatura të freskëta, por edhe diell! Parashikimi i motit

Vjeshta e tetorit, me temperatura të freskëta, por edhe diell! Parashikimi i motit

1 Tetor, 15:03