Autoritetet italiane i kanë sekuestruar një vilë, katër makina luksoze dhe 600 mijë euro cash trafikantit shqiptar, Geront Dedja, 44-vjeç, që dyshohet se i kishte përfituar nga aktiviteti i tij kriminal.
Mediat e huaja raportojnë se 44-vjeçari, eksponent i krimit të organizuar shqiptar ishte i dënuar për trafikim ndërkombëtar droge dhe për emigracionin e paligjshëm të njerëzve.
Dekreti i sekuestrimit me qëllim konfiskimin e pasurive është nxjerrë nga seksioni i masave parandaluese të gjykatës së Torinos. Hetuesit e Seksionit Antikrim të Komisariatit të Torinos kryen masën mes Torinos dhe Venetos, duke sekuestruar një vilë në bashkinë Caselle Torinese, katër makina luksoze, një degë të tërë kompanie aktive në ndërtim, para cash dhe llogari rrjedhëse.
Në fillim të viteve 2000, pas një hetimi të skuadrës Turin Mobile të drejtuar nga Luigi Mitola, trafikanti shqiptar i drogës u arrestua me akuzën e aktivitetit kriminal që synonte të ndihmonte emigracionin klandestin. Në vitin 2002 ai u dënua për atë krim dhe, midis 2003 dhe 2004, edhe për trafik ndërkombëtar droge, së bashku me bashkatdhetarët e tjerë. Tani gjykata ka urdhëruar sekuestrimin me qëllim të konfiskimit të pasurisë së tij.
Organizata kriminale në fjalë është drejtuar nga Ilir Koçiaj ndërsa krahu i tij i djathtë ka qenë Xhiliano Xhoxhi. Të dy këta persona kanë mundur që të ngrenë një rrjet të tërë të trafikut të narkotikëve në të paktën gjashtë shtete të ndryshme të botës. Me rekrutimin e anëtarëve të organizatës janë marrë pikërisht dy krerët e saj, Koçiaj dhe Xhoxhi. Nga hetimi është zbuluar se në disa raste anëtarët e organizatës nuk njiheshin fare me njëri-tjetrin. Njohja e tyre e përbashkët ishte kreu Ilir Koçiaj. Mes tyre ishte edhe Ervin Tavanxhi, nga Elbasani, djali i ish- deputetit, Vangjel Tavanxhi.
Kryesisht aktiviteti i organizatës është zhvilluar në Itali, ndërsa droga merrej në Holandë dhe më pas shpërndahej në Itali, Francë si dhe Gjermani. Në një rast është tentuar trafikimi edhe në Greqi. Më herët është raportuar se heroina vinte nga Turqia dhe përfundonte në Itali. Prokuroria shqiptare ka mundur që t’i sekuestrojë kësaj organizate 73.000 euro, 29.000 dollarë amerikanë si dhe një milion lekë të reja. Hetimet e kryera në Itali për këtë organizatë kriminale kanë sjellë sekuestrimin e sasive të ndryshme të tyre të lëndëve narkotike, të cilat arrijnë në 22,240 kg kokainë dhe 20,032 kg heroinë për periudhën fillim i vitit 2003 deri në fillim të vitit 2004. Një pjesë e grupit Poter-al ra në pranga më 23 maj të vitit 2006 në Shqipëri, vetëm pak ditë pas arrestimit të 40 personave në Itali.
Grupi kriminal “Poter-Al” përbëhej nga Ilir Koçiaj, nga Elbasani , Geront Tola alias Geront Dedja, nga Librazhdi Zamir Vadardha, nga Shijaku Bledi Balliu, nga Fieri Aleksandër Koliçi, alias Aleksandër Gremi, nga Fieri Leonard Çobaj, nga Vlora Ervin Tavanxhi, nga Elbasani Xhiliano Xhoxhi Malvin Toto Bisera Pudiç, shtetase kroate si dhe Gëzim Mekaj e Robert Peçi.
Lajme të tjera
-
U vra me thikë 2 ditë më parë, zbulohet identetiti i shqiptarit në Itali dhe 2 pistat e hetimit mbi ngjarjen
27 Nëntor, 18:48 -
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Xhenova/ Nuk pranonte të ndahej, shqiptari dhunon barbarisht të dashurën italiane dhe i thyen hundën! Policia e arreston 35-vjeçarin
27 Nëntor, 16:26 -
Milano/ I dënuar me 2,5 vite burg për shfrytëzim prostitucioni, arrestohet 31-vjeçari shqiptar i kërkuar! Gjykata e lë në arrest shtëpiak
27 Nëntor, 16:05 -
Greqi/ U kapën me 30 kg marijuanë, 2 shqiptare në pranga
27 Nëntor, 08:31 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Goditen dy grupe ‘skifterësh’ në Padova dhe Modena, 4 shqiptarë të arrestuar! Akuzohen për të paktën 20 vjedhje në seri, dy kishin prerë bileta avioni për arratisje
26 Nëntor, 16:53 -
Jorida Tabaku takohet me delegacionin nga parlamenti Italian: Procesi i Integrimit s'do të thotë që do mbyllim sytë nga problemet reale
26 Nëntor, 16:30 -
Itali/ I droguar në timon rrezikoi jetën e agjentëve, arrestohet 35-vjeçari shqiptar! Rikthehet në burg që të vuajë dënimin e mbetur për vrasje
26 Nëntor, 16:08 -
Itali/ Shqiptari vritet me thikë, plagoset i vëllai, në pranga 2 shtetas nga Maqedonia e Veriut
26 Nëntor, 11:06 -
Vrasja në Itali pas sherrit në lokal, ja kush është shqiptari Nikolin Nika! Baba i dy fëmijëve të mitur dhe me origjinë nga Shkodra, të panjohura motivet
25 Nëntor, 17:02 -
Media italiane: Plani B i Melonit për qendrën e emigrantëve në Gjadër
25 Nëntor, 11:33
