ITALI- Ka qenë ndërhyrja e një emigranti shqiptar që ka shpëtuar jetën e një fëmije 5 vjeç, i cili po sulmohej nga dy qen. Ngjarja ka ndodhur ditën e sotme në Itali, në rrethinat e Aostas, ku djaloshi po ushqente qentë e racës "Rottweiler", kur papritmas u sulmua.

Siç raporton “ANSA”, emigranti shqiptar, 42 vjeç, i ndodhur aty pranë, ka ndërhyrë menjëherë, duke e shpëtuar fëmijën, nga sulmi i qenve. 

Mësohet se djaloshi, ka marrë plagë në njërën këmbë, dhe iu nënshtrua me sukses një operacioni, ndërsa emigranti shqiptar ka shpëtuar me disa plagë të lehta.

Redaksia online
(e.c/shqiptarja.com)