Fermo- Një partneritet narkotrafiku me liderët shqiptarë, ndërmjetësit e Magrebit (Marokut) dhe korrierët italianë e algjerianë është shkatërruar.
Shtatë të arrestuar, 8 persona të tjerë nën hetim janë në arrati dhe treve u është ndaluar qëndrimi.
Operacioni u krye në zonën e Fermos më 30 Gusht, për trafik droge në zonën e Porto Sant'Elpidio. Operacioni “Take Away” u zhvillua mëngjesin e të shtunës (31 Gusht). Ushtarët nga Fermo janë të përfshirë, me departamentet e qenve nga Pesaro dhe helikopterin nga Pescara.
![](https://shqiptarja.com/template/img/NO_ALFA_Kuadrate shqiptarja.png)
Hetimet nisën dy vite më parë, të cilat çuan në zbulimin e një grupi kriminal, që dyshohej se drejtohet nga shqiptarë dhe me ndërmjetës afrikano-veriorë. Të përfshirë ishin edhe shtetas italianë që punonin si korrierë dhe blinin klientë në bregdet dhe në brendësi të Fermos dhe deri në Citivanova, shkruan "RaiNews".
Katër kilogramë kokainë të shitur, me vlerë 300 mijë euro, gjatë episodeve të dokumentuara nga ushtarakët.
Dërgesat që bëheshin shpesh në shtëpi me makina të marra me qira dhe të ndërruara vazhdimisht, për të hedhur njerëzit nga rruga. Dhjetë nga të dyshuarit janë me kombësi shqiptare.
Hetimet nisën në dimrin e vitit 2022, të drejtuara nga Departamenti i Operacioneve – Njësia Hetimore e Fermos dhe nën mbikëqyrjen e prokurorisë vendase. Të akuzuarit, të dyshuar anëtarë të një organizate të përbërë nga të paktën 18 individë banues në provincë, ishin përgjegjës për furnizimin me drogë për disa blerës në zonë.
Mënyra e shpërndarjes dhe rrjeti i shpërndarjes
Komunat më të përfshira në trafikun e drogës përfshinin Porto Sant'Elpidio, Sant'Elpidio a Mare, Monte Urano, Montegranaro, Torre San Patrizio, Monte San Pietrangeli, Civitanova Marche dhe Fermo. Hetimet zbuluan strategji të avancuara të përdorura nga trafikantët për të shmangur arrestimin, raporton media italiane "Gaeta".
Tregtarët e drogës, për shembull, bënin shitje me porosi dhe, në disa situata, ofruan një shërbim "dorëzimi në shtëpi", për të zvogëluar rrezikun për t'u kapur nga forcat e rendit.
Më parë ishin zhvilluar edhe operacionet “Underground” (Nëntokësor), në muajin Mars 2023, që çoi në arrestimin e 8 anëtarëve të një grupi prej trembëdhjetë tregtarësh droge nën hetim, si dhe aksioni “Shitje me pakicë” (Retail) në verën e vitit 2023, me disa të dyshuar shqiptarë dhe italianë, edhe me precedentë penalë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)