POP 5

Lajmet më të lexuara të 5 minutave të fundit

Bota

VIDEO/ Godina e dyqanit më të frekuentuar në Brindizi shembet në 3 sekonda! Detaji që shmangu tragjedinë

Godina shërbente si dyqan i sendeve shtëpiake “Liquidò” dhe frekuentohej në çdo orë të natës. Kërkimet nuk konstatojnë prezencë njerëzore, mister shkaqet. Autoritetet: Mund të kishte qenë masakër!

Itali- Tre sekonda për t'u shembur! Kaq iu desh një ndërtese dykatëshe në Latiano të Italisë, për t’u rrafshuar në tokë. 

Episodi i rëndë ndodhi gjatë natës duke zbardhur dita e sotme (30 Gusht), në një nga rrugët kryesore të qytetit në zonën e Brindizit, në Francavilla. 

Për fat të mirë nuk përfundoi në tragjedi. Godina ishte në fakt shtëpia e një dyqani të sendeve shtëpiake, “Liquidò”, shumë i frekuentuar në të gjitha orët. Shkaqet mbeten të panjohura ende, por hipoteza kryesore mbetet amortizimi i godinës.

Gjatë natës nisën dhe kërkimet për persona të mundshëm që kanë mbetur nën rrënoja, por që duket se është përjashtuar plotësisht pas kontrolleve edhe me qen policorë. Për fat të mirë, në ato momente të vona nuk ka pasur askënd brenda ambienteve, sipas kërkimeve të deritanishme, raportoi "La Repubblica".

Shkaqet mbeten mister dhe do pritet ekspertimi nga specialistët, teksa autoritetet vendore thanë se 'mund të kishte qenë një masakër'.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13