POP 5

Lajmet më të lexuara të 5 minutave të fundit

Kronikë

Itali, u vra me thikë nga 53-vjeçari
familja kërkon trupin e shqiptares

Prindërit e 31 vjeçares shqiptare Brunilda Hoxha, të masakruar me thikë nga bashkëjetuesi i saj Asllan Agaj në Itali më 14 nëntor të këtij vitin, kërkojnë rikthimin e trupit të saj në Shqipëri për ta varrosur. Autoritetet italiane: Trupi nuk mund të transferohet pa u mbyllur hetimi VIDEO
VITERBO - Prindërit e 31 vjeçares shqiptare Brunilda Hoxha, të masakruar me thikë nga bashkëjetuesi i saj Asllan Agaj në Itali më 14 nëntor të këtij vitin, kërkojnë rikthimin e trupit të saj në Shqipëri për ta varrosur.

Lajmi bëhet i ditur nga mediat italiane sipas të cilave, dy të afërm të 31 vjeçares, vëllai dhe daja i saj, prej ditësh ndodhen në Itali ku po kërkojnë nga autoritetet italiane trupin e viktimës për ta sjellë në Shqipëri, dhe për ta varrosur.

Madje siç bëjnë të ditur mediat italiane, të afërmit kanë kontakuar me kryebashkiakun e provincës së Viterbos, Guido Cianti si dhe i kanë kërkuar ndihmë edhe ambasadës shqiptare për të rikthyer Brunilda Hoxhën në atdhe. Për të njëjtin qëllim vëllai dhe daja i 31 vjeçares i kanë shkruar dy letra edhe hetueses së varjes Chiara Capezzuto.
Por nga ana tjetër, gjyqtari i çështjes është kundër transferimit të trupit të viktimës në Shqipëri, të paktën deri në mbylljen e hetimeve. I të njëjtit qëndrim është edhe mjeku ligjor Giorgio Bolino i cili ka marrë kohë 60 ditë për plotësimin e raportit të autopsisë, e cila u krye këtë të mërkurë.

Sipas mediave italiane, edhe nëse çështja do të gjykohet me gjykim të përshpejtuar, trupi i nënës së tre fëmijëve nuk mund të transferohet në Shqipëri përpara vitit të ardhshëm, por nga ana tjetër, familja kërkon të përshpejtojnë procedurat për të rikthyer trupin e Brunildës me qëllim për ta varrosur.

Nga të dhënat e para të autopsisë mjeko-ligjjore, Brunilda Hoxha, nënë e tre fëmijëve, dy djem 7 dhe 14 vjeç dhe një vajze 12 vjeç, u vra në banesën e saj me mbi 20 goditje me thikë nga bashkëjetuesi i saj Asllan Agaj 53 vjeç. Ky i fundit ka deklaruar përpara hetuesve se nuk mban mend se si ndodhi ngjarja, ndërsa ka pranuar autorësinë e krimit.

53 vjeçari pas vrasjes, ka kërkuar të vrasë edhe veten, fillimisht duke prerë damarët dhe më pas duke konsumuar një sasi të madhe të ilaçeve farmaceutike. Agaj është një person me precedentë penalë pasi 13 vite më parë, ka masakruar për vdekje gruan e tij të parë, me të cilën jetonte prej 20 vitesh në Romë.

brunilda hoxha
brunilda hoxha
brunilda hoxha
 
Redaksia Online
(e.c/shqiptarja.com) 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Kush janë ministrat e qeverisë Kurti që u pasuruan më shumë për 4 vite

Kush janë ministrat e qeverisë Kurti që u pasuruan më shumë për 4 vite

28 Janar, 21:15