Iu bllokua merkato, rregullorja e FIFA-s jep shpresë për Flamurtarin dhe Luftëtarin

Ditët e fundit dy klube të Superligës Flamurtari dhe Luftëtari janë tronditur nga vendimi i FIFA-s për ti bllokuar merkaton si pasojë e detyrimeve të prapambetura ndaj futbollistëve. Të dy klubet renditen në vendet e fundit në klasifikim dhe merkato e janarit shihej si shpëtim për të mos rënë nga kategoria. Por duke iu referuar rregullores së FIFA-s si Flamurtari ashtu edhe Luftëtari mund të kenë ende shpresë për të ndërhyrë në merkato në rast se shlyejn detyrimet ndaj futbollistëve që kanë fituar gjyqin në FIFA.

Ndërkohë për tu habitur është qëndrimi i drejtuesve të dy klubeve, të cilët e kanë mohuar një vendim të tillë nga FIFA në kurriz të klubeve të tyre. Konkretisht administrator i klubit të Flamurtarit, Sinan Idrizi, me kompetencë ka deklaruar:

“E përsëris në mënyrë të drejtëpërdrejtë, me përgjegjësinë time të plotë, ne do të ndërhyjmë në merkato shumë fort. Pjesën tjetër pastaj prisni datën 21, 22 dhe shikoni: ka një shkresë të tillë apo jo?”

Numri 1 i klubit vlonjat më tej shtoi se pas ndërhyrjes në merkato ekipi do të jetë konkurues:

“Flamurtari do të jetë një ekip I denjë për të vazhduar me dinjitet fazën e mbetur të kampionatit. Për ne nuk do tyë jetë për luftë a vdekje, por për shpirtin dhe dinjitetin tonë.”

Idrizi për ‘Report TV’ një qëndrim të ngjashëm mbajti edhe pak çaste pas publikimit të lajmit se klubit i ishte bllokuar merkato.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

SPAK lëshon 9 urdhër-arreste, mes tyre 2 ish-zyrtarë të Bashkisë së Tiranës Mariglen Qato dhe Redi Molla

SPAK lëshon 9 urdhër-arreste, mes tyre 2 ish-zyrtarë të Bashkisë së Tiranës Mariglen Qato dhe Redi Molla