Mbrëmjen e vonë të së shtunës Izraeli ka kryer sulme ajrore në selinë e sigurisë së Gazës dhe stacionet policore në vend. Mësohet se 159 palestinezë kanë mbetur të vdekur nga sulmi, i cili duhet të jetë bombardimi më i rëndë që kur filluan sulmet në Rripin e Gazës.

Nga ana tjetër, Këshilli i Sigurimit të OKB-së ka bërë thirrje të shtunën për armëpushim. Ky është reagimi i parë zyrtar ndaj krizës nga Këshilli i Sigurimit, i cili deri më tani ka qenë i ndarë lidhur me konfliktin izraelito-palestinez.