POP 5

Lajmet më të lexuara të 5 minutave të fundit

Bota

Izraeli 'nuk ka plane' ta kontrollojë jetën në Gazë

Ministri izraelit i Mbrojtjes, Yoav Gallant, tha të premten se pas shkatrrimit të grupit militant Hamas nga Izraeli, ushtria nuk do ketë ndonjë plan për të kontrolluar “jetën në Rripin e Gazës”

Izraeli 'nuk ka plane' ta kontrollojë jetën në Gazë

Ministri izraelit i Mbrojtjes, Yoav Gallant, tha të premten se pas shkatrrimit të grupit militant Hamas nga Izraeli, ushtria nuk do ketë ndonjë plan për të kontrolluar “jetën në Rripin e Gazës”.

Gallant i ka bërë këto komente para ligjvënësve, dhe shënojnë herën e parë që një zyrtar i lartë izraelit ka diskutuar për planet afatgjata të Izraelit për Gazën.

Gallant ka thënë se Izraeli pret që lufta me Hamasin të zhvillohet në tre faza. Ai ka thënë se fillimisht grupi në Gaza do të sulmohet nga ajri dhe me manovra tokësore, më pas do të mposhten pikat e rezistencës, dhe në fund do të pushojë përgjegjësia e Izraelit për jetën në Rripin e Gazës.

Izraeli i ka mbledhur dhjetëra mijëra ushtarë afër kufirit me Gazën, pas masakrës së 7 tetorit nga militantët e Hamasit në tokën izraelite. Si hakmarrje, Izraeli i ka shpallur luftë Hamasit – i cili e udhëheq Gazën - dhe është zotuar se do ta shkatërrojë grupin.

Ministria e Shëndetësisë në Gazë ka thënë se rreth 4.000 njerëz janë vrarë dhe mbi 12.500 janë plagosur nga sulmet izraelite. Banorët atje – mbi 2.1 milionë - kanë mbetur pa furnizime me ushqim, ujë dhe naftë – sipas vendimit izraelit të marrë pak pas sulmeve të Hamasit në Izrael.

Nga sulmet e Hamasit në tokën izraelite, më 7 tetor, janë vrarë më shumë se 1.400 njerëz. Një zëdhënës i ushtrisë izraelite ka thënë që Hamasi besohet se i ka marrë edhe 206 pengje në sulmet që i ka kryer në Izrael, dhe dyshohet se i ka dërguar në Gazë./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55