Ja çfarë pritet të ndodhë nëse nuk frenohet ngrohja globale

Hulumtimi i ri sugjeron se një e katërta e globit mund të lihet në thatësirë të përhershme nëse përpjekjet për ta frenuar ngrohjen globale nuk i përmbushin objektivat e vendosura nga marrëveshja e Parisit.

Shkencëtarët i përpiluan parashikimet e 27 modeleve klimatike globale për të përcaktuar se cilat rajone të planetit Tokë kanë më shumë gjasa të përjetojnë aridifikim të konsiderueshëm deri në fund të shekullit.

LEXO EDHE:
Dita e Tokës/ Shkencëtarët: Europa, kontinenti që po ngrohet me shpejtësi

Analiza e tyre – e publikuar këtë javë në revistën Nature – tregoi se 20 deri 30 për qind e globit do të jetë dukshëm më e thatë se sa intervalet e ariditetit të përcaktuara nga variacionet historike vjetore në reshje.

“Aridifikimi është një kërcënim serioz sepse mund të ndikojë në mënyrë kritike në fushat si bujqësia, cilësia e ujit dhe biodiversiteti”, – tha autori i studimit Chang-Eui Park, studiues në Universitetin Jugor të Shkencës dhe Teknologjisë në Shenzhen të Kinës. “Kjo gjithashtu mund të çojë në më shumë thatësira dhe zjarre të egra – të ngjashme me ato që shihen në Kaliforni.”

Studiuesit i shikuan normat e aridifikimit të mundshëm për nivele të ndryshme të ngrohjes globale, duke përfshirë një rritje prej 1,5 dhe 2 gradë Celsius në temperaturën mesatare globale. Qëllimi i marrëveshjes së Parisit është ta kufizojë ngrohjen globale në një rritje prej 2 gradë Celsius mbi mesataren paraindustriale të Tokës.

“Një tjetër mënyrë për ta menduar emergjencën e aridifikimit është një ndryshim në kushtet e vazhdueshme të moderuara të thatësirës, mbi të cilat ndryshueshmëria e ardhshme vjetor mund të shkaktojë thatësira më të rënda”, tha Park, i cili gjithashtu punon në Universitetin e East Anglia në Norwich të Anglisë. “Për shembull, në një skenar të tillë, 15 për qind e rajoneve gjysmë të thata në fakt do të përjetonin kushte të ngjashme me klimën “e thatë” sot”.

Hulumtimi i fundit tregon se kufizimi i ngrohjes globale në një rritje prej 1.5 gradësh do ta parandalonte pjesën më të madhe të aridifikimit të parashikuar. Shkalla e thatësirës tashmë po rritet në pjesën më të madhe të globit, pasi Toka e ka përjetuar një rritje prej 1 shkallë në temperaturën mesatare globale.

“Zonat e botës që do të përfitonin më shumë nga mbajtja e ngrohjes nën 1,5 gradë celsius janë pjesët e Azisë Juglindore, Evropës Jugore, Afrikës Jugore, Amerikës Qendrore dhe Australisë Jugore – ku jetojnë më shumë se 20 për qind e popullsisë së botës sot”, tha Tim Osborn, profesor në UEA.

TAG:
• ngrohja globale
• rritje e temperturave
• thatesira

Sondazhi i ditës:

A ka politika frikë nga SPAK-u?

• Po

  68.6%

• Jo

  26.5%

• Nuk e di

  4.9%

Vota total: 3601

• Sondazhi i ditës:

  A ka politika frikë nga SPAK-u?

  Po Jo Nuk e di