POP 5

Lajmet më të lexuara të 5 minutave të fundit

Kronikë

Durrës/ Pas grabitjes së biznesmenit dyshohet se është grupi që vodhi 7.5 mln lekë të Patentave 1 muaj më parë (FOTO)

Elton Kelmendi u grabit dje në Durrës, ndërkohë që djali i tij u mor peng nga grabitësit. 9 të shoqëruar për grabitjen e djeshme, të cilët janë marrë në pyetje dhe janë liruar. Grabitja e djeshme, e dyta brenda 1 muaji në Durrës, pas grabitjes së 7.5 mln lekëve në Shkozet. Ende asnjë i arrestuar për të dyja ngjarjet. Policia dyshon se është i njëjti grup që pasi bën grabitjet largohet nga Durrësi. Autorët, të veshur me uniformat e Shqiponjave.

Report Tv siguron foton e biznesmenit Elton Kelmendi që u grabit ditën e djeshme në qytetin e Durrësit. Biznesmeni Kelmendi, që merret me transport mallrash u grabit mbrëmjen e djeshme në Durrës, në afërsi të Gjykatës së Apelit. Burime për Report Tv sqarojnë se ngjarja e djeshme është kryer nga i njëjti grup që ka kryer edhe grabitjen e një muaji më parë në Shkozet, ku u vodhën rreth 7.5 milionë lekë të reja nga një makinë e cila po transportonte paratë e Drejtorisë së Patentave.(Lexo këtu).

Mësohet se në komisariatin e Durrësit kanë mbërritur specialistë nga Tirana dhe njësi të Forcave Speciale që kanë shoqëruar 9 persona. Pasi janë marrë në pyetje, ata janë lënë të lirë, ndërkohë që nuk ka asnjë gjurmë të grabitësve. Policia dyshon se grupi i grabitësve nuk është nga Durrësi, por shkon në qytetin bregdetar për të kryer grabitjet dhe më pas largohen duke vështirësuar zbulimin e tyre.

Elton Kelmendi, biznesmeni që u grabit në Durrës

Ditën e djeshme, biznesmeni Elton Kelmendi, u lidh bashkë me gruan e tij, ndërkohë që për disa minuta 3 autorët e grabitjes, të veshur me uniformat e Shqiponjave, i morën peng djali dhe e kërcënuan që të tregonte për vendin se ku ishin fshehur paratë. 3 grabitësit arritën të merrnin afro 11 mijë euro. Ende nuk ka asnjë të arrestuar si për ngjarjen e një muaji qoftë edhe për grabitjen e djeshme.

Elton Kelmendi, biznesmeni që u grabit në Durrës

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48