POP 5

Lajmet më të lexuara të 5 minutave të fundit

Ekonomi

Ja nga vijnë investimet e huaja në
Shqipëri,në liste dy parajsa fiskale

Report TV ka zbardhur listën me rreth 40 shtete nga ku vijnë investimet e huaja zyrtare në Shqipëri, mes të cilave rezultojnë të paktën dy parajsa fiskale, Qipro dhe Ishujt Britanikë Virxhin. Vetëm nga Qipro në vitin 2013 kanë ardhur 86 milionë euro në formën e investimeve të huaja, ndërsa në vitin 2014, 117 milionë  VIDEO

Në listën zyrtare të 40 shteteve nga vijnë investimet e huaja në Shqipëri, rezultojnë ta paktën dy parajsa fiskale, Qipro dhe Ishujt Britanikë Virxhin.
 
Të dy këto shtete offshore janë pasqyruar në tabelën e Bankës së Shqipërisë ku paraqiten të detajuara vendet dhe flukset përkatëse të investimeve që vijnë në Shqipëri. Lista përmban rreth 40 shtete me të cilat Shqipëria ka marrëdhëniet më të ngushta tregtare dhe ekonomike si Italia, Gjermania apo Greqia.
 
Por nuk përjashtohet mundësia që numri i shteteve offshore të jetë edhe më i madh, duke qenë se një pjesë e mirë shtetet përfshihen në një zë të përbashkët të tabelës me termin “të tjera përfshirë Kanadanë”.
 
Kjo, edhe pse nga ky grup shtetesh në Shqipëri kanë ardhur 653 milionë euro investime në vitin 2013, dhe 399 milionë në vitin 2014. Tabela paraqet të dhënat vetëm për vitet 2013-2014 dhe nuk jep informacione për flukset në vitet e mëparshme.

Ndërkaq, nga të dhënat zyrtare të Agjencisë Shqiptare të Zhvillimit të Investimeve rezulton se nga Qipro në vitin 2013 kanë ardhur 86 milionë euro në formën e investimeve të huaja, ndërsa në vitin 2014, 117 milionë.
 
AIDA nuk jep të dhëna mbi shumën e investimeve nga Ishujt Virxhin. Ndërkohë që në tabelën e Bankës së Shqipërisë pasqyrohet vetëm që për vitin 2014 ato janë 0.15% më pak nga shifra parardhëse.
 
Investimet më të mëdha për vitet 2013-2014 në Shqipëri kanë ardhura nga Greqia, përkatësisht 1 miliardë euro dhe 1.1 miliardë euro. Vendi i dytë për nga volumi i investimeve është Kanadaja, nga kanë ardhura 797 milionë euro në vitin 2013 dhe 755 milionë euro në vitin 2014. E treta renditet Italia, nga ku janë investuar 508 milionë euro në vitin 2013 dhe 526 milionë euro në 2014-ën.

investimet lajmi bankes

investimet lajmi bankes
 
 
 Redaksia Online
(F.T/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat, dënohet me burg ish-kryebashkiakja e Patosit, Rajmonda Balilaj, I konvertohet në shërbim prove

Abuzim me tenderat, dënohet me burg ish-kryebashkiakja e Patosit, Rajmonda Balilaj, I konvertohet në shërbim prove

15 Janar, 19:00