Në kohën e shtirjeve masive, nuk është e lehtë të dallosh një zë të vërtetë. Në kohën e botoksit, të qerpikëve false, të buzëve, fytyrave të ngrira e të tërhequra, të buzëqeshjeve të vizatuara, të dhjamit të vënë me dreka e darka mes dhjetëra pjatash, rezortesh të supershtrenjta, e të hequr pastaj me bisturi të mirëpaguara, është tepër vështirë të dallosh një histori të vërtetë. Edhe në gazetari, ku një manipuluese mund të të duket një “nënë terezë” dhe një mashtrues ordiner bamirësi më i madh, i parë ndonjëherë, është vështirë të kuptosh çfarë thotë një zë i vuajtur dhe i sinqertë, edhe kur ky zë dridhet nga një ishemi cerebrale.
Për intervistën e “Doktorit” të famshëm të Fiksit, ose të Gent Pjetrit, mësova nga rrjetet sociale, ose më mirë nga debatet rreth kësaj interviste dhënë për një emision në Syri TV. Dikush ishte mërzitur, pasi “Doktori” nuk duhej të shfaqej në atë gjendje, dikush jo. Fjalët e e tij kishin zënë vend.
Duke e ndjekur në Youtube, pas çdo fjalie të shprehur me vështirësi nga ky personazh popullor i televizionit tonë të tranzicionit, vërtetësia, sinqeriteti, thjeshtësia, sikur merrnin përmasa gjithnjë e më të mëdha me minutat që kalonin.
Alkooli dhe një ishemi, siç Genti tregon, kanë lënë gjurmë në të, por asgjë, asgjë nuk ka ndryshuar njerëzoren tek ai. Sidomos reflektimet mbi veten dhe të tjerët: “U bëra armiku i vetes”, duke e ndarë haptazi se nuk ndjehet viktimë dhe di të qartësojë si askush më parë rëndësinë e dallimin e të qenit “VIP” apo “publik” në Shqipëri. Pastaj foli për dashurinë, si për të na kujtuar këtë vlerë të jashtëzakonshme njerëzore.
Ndonjë është sikletosur nga vështirësia e të shprehurit të Gentit, por nuk ka vështirësi të shprehuri kur të vërteta dalin në dritë. Si për shëmbull ajo e shtirjeve, e mungesës së empatisë, e pamundësisë së suksesit për shumë të rinj të talentuar.
Ekrani i vogël mund të ketë shumë problematika, por nga ai sy magjik, në zemrat e të gjithëve perceptohet kollaj dhe shumë mirë se kush reciton me buzët e lyera, trukun perfekt, buzëqeshjen e blerë, kostumin nga stilisti më i mirë dhe kush thotë të vërtetën e hidhur, me zërin që dridhet qoftë nga alkooli, qoftë nga një ishemi.
Nuk e di nëse “Doktori”- Gent Pjetri, do ta gjejë forcën dhe vendin për t’u rikthyer në tregun mediatik, por kjo intervistë, kishte forcën e madhe të njeriut të brishtë.
Komente
Lajme të tjera
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Videoskandali në bashkinë e Kukësit me Safet Gjicin, dëshmia e sms-të e Alma K. me ish kreun e këshillit të qarkut, Oruçi: 'Ke fol me Salën vet...'
22 Dhjetor 2023, 11:36
-
Sorollatjet e pacientëve nga një spital në tjetrin/ E sëmura nga Elbasani priti 4 orë në ambulancë të shtrohej, pas një jave humb jetën
16 Mars 2023, 21:34 -
Kërcënimi me armë ndaj gazetarëve në Krujë, shpallen në kërkim 3 persona! Nis hetimi ndaj 2 shoferëve të kamionëve dhe 2 punonjësve të IKMT
9 Shkurt 2023, 20:15 -
'Vetëm për një flirt, dhe më pas më mori shtëpinë', një tjetër dramë e ‘Doktorit’, historia e dhimbshme e divorcit të Gent Pjetrit
26 Nëntor 2022, 10:55 -
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
-
Ambasadorja Yuri Kim, si të ishte ndër shqiptaret më të mira
23 Nëntor 2021, 09:23
-
Dhuna, si një re e zezë e grumbulluar, qëndron mbi ne
11 Shtator 2021, 10:11
E kishte pak qejf pijen ky figura ketu Perziente pangjyren me jeshilleqe e bardhesira. I kishin lezet ama...
PërgjigjuTe them te verteten eshte hera e pare qe marr vesh dicka nga doktori,nga koha kur nuk e pashe me ne ekran.Kur filloi Sajmiri apo tjere qe bejne emisione paralele satirike me duken qesharake dhe them si kane kurajo ti quajne te tille.Nuk di te them tjeter por nuk kane as humor as sarkazem as gje qe te ngacmon tej normales se nje foto e thjeshte e doktorit e te thoshte "o njerez me shihni mua jam me ju e qeshni vete po deshet se tani jam me ju tej dhimbjes time"
Përgjigju