POP 5

Lajmet më të lexuara të 5 minutave të fundit

Kronikë

Ja shqiptari më i urryer në SHBA
çmim stratosferik ilaçit monopol

Shqiptaro-amerikani më i urryer, merr monopolin e ilaçit të AIDS dhe superfishon çmimin. Reagon Martin Shkreli: Kompania është e “detyruar” të ngrejë çmimin për të subvencionuar studime të tjera që po bëhen në këtë fushë. Mjeket: Ilaci ka 62 vjet ne treg, s'ka nevoje per studime.
VIDEO  FOTO
Një multimilioner shqiptar ka ngjallur zemëratë publike në Shtetet e Bashkuara të Amerikës pasi ka ndryshuar brenda ditës çmimin e një ilaçi jetik kundër HIV-AIDS edhe kancerit nga 13 $ në 750 dollarë. Bëhet fjalë për shqiptaro-amerikanin 32-vjeçar Martin Shkreli, shef ekzekutiv i kompanisë farmaceutike “Turing Pharmaceutical” i cili ka blerë nga “Impax Laboratorikes” monopolin  (të drejtat e plota) për shitjen e ilaçit Daraprim, duke njoftuar njëherësh rritjen stratosferike të çmimit të tij.
 
Një vit më parë shqiptaro amerikani ishte në qendër të lëvdatave për suksesin e tij në moshë fare të re...por menjëherë pas vendimit “surprizë” për të rritur çmimin e ilaçit, janë lëshuar një lumë kritikash dhe pakënaqësish.
 
Specialistët e fushës thonë se ky çmim është i pajustifikueshëm pasi një kurë e plotë mund të arrijë shifrat e 600 mijë $. Në planin pragmatik kritikat shkojnë drejt politikanëve që nuk ndërhyjnë në normalizimin e tregut por lënë pacientët në dorën e firmave të mëdha farmaceutike që kërkojnë të bëjnë miliarda në kurriz të tyre.

Por Martin Shkreli e sheh krejt ndryshe...
 
Në deklarata të shumta që ka dhënë për mediat shqiptaro-amerikani thotë se kompania e tij është e “detyruar” për këtë vendim, pasi rritja e çmimit do të ndihmojë për të kryer kërkime të tjera në bërjen e ilaçeve më efektive dhe me më pak efekte anësore.

“Domethënë paratë që do të dalin nga shitjet e këtij ilaçi do të paguajnë për të prodhuar një ilaç më të mirë”, përsëriti Shkreli.
 
Gjithashtu ai shtoi se të ardhurat nga shitja e ilaçeve do të ndihmojnë në financimin e programeve farmaceutike për të krijuar medikamente me kosto të ulët për konsumatorët.
 
/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Nicolas Maduro u betua për një mandat të 3, SHBA rrit shpërblimin për këdo që jep informacion që çon në arrestimin e liderit të Venezuelës 

Nicolas Maduro u betua për një mandat të 3, SHBA rrit shpërblimin për këdo që jep informacion që çon në arrestimin e liderit të Venezuelës 

11 Janar, 11:27