POP 5

Lajmet më të lexuara të 5 minutave të fundit

Politikë

Ja si PS humbi mandatin e 9 në qytetin e Taulant Ballës vetëm nga votat e pavlefshme, PD-ja mori deputetin e 6! Ngatërresa me fletën e votimit rekord me 7%, tjetër provë që rrëzon Metën

Rekord votash të pavlefshme në Librazhd me 7 %, zgjedhësit ngatërruan Taulant Ballën me patinë Lëvizja e Re, PS-ja humbi një mandat për 78 vota të cilin e përfitoi PD-ja, kjo është një tjetër provë që hedh poshtë pretendimin e Ilir Metës dhe një pjese të opozitës për manipulim të votave të pavlefshme. 

Report Tv sjell fakte të tjera, bazuar në analizimin e shifrave të zyrtare që konfirmojnë se numri i shqetësues i votave të pavlefshme në zgjedhjet e 25 prillit 2021, ka dëmtuar më shumë Partinë Socialiste, madje duke u reflektuar në numrin e mandateve, të humbura për 140-300 vota. Taulant Balla ka humbur mandatin e 9-në për Partinë Socialiste në Librazhd, pikërisht në qytetin e tij, ku numri i skedave të pavlefshme ka shënuar një rekord me 7 %, nga 5.3 % që është mesatarja kombëtare i votave të pavlefshme. Ngatërresa e votuesve me fletën e votimit në Librazhd ia ka dhënë Partisë Demokratike një mandat deputeti në Elbasan.

Po çfarë ka ndodhur në Librazhd? Në zgjedhjet e 25 prillit, në Librazhd, e njohur si zona e Taulant Ballës, deputeti më i votuar në këto zgjedhje, mori 9952 vota, duke fituar me 60 % të votave. Por, Partia Socialiste pësoi një rënie me rreth 1 mijë vota krahasuar me rezultatin që kishte marrë në zgjedhjet e 2017. Librazhdi është ndër të paktat zona ku PS ka pësuar rënie, ndërkohë që në pjesën e tjetër të qarkut ka pësuar rritje.

Nga 17 606 vota të hedhur në kutitë e votimit, janë numëruar 1243 skeda të pavlefshme, duke shënuar rekordin më të lartë, 7 %. Votuesit kanë ngatërruar numrin 8 të kandidati Taulant Balla, përballë PS-së, me numrin 8 të partisë Lëvizja e Re.

Zgjedhësit kanë votuar numrin 12 PS si dhe numrin 8 Lëvizja e Re, duke e pandehur për numrin e Ballës, duke bërë votën e pavlefshme. Kjo shpjegon edhe faktin se pse votat e pavlefshme në Librazhd janë 7 %, ndërsa në Elbasan, në rang qarku, 5.5 %, kurse në rang kombëtar 5.3 %. Në Elbasan, Partia Socialiste humbi mandatin e 9-të për 78 vota, ndërsa PD-ja mori mandatin e 6-të.

Humbja e një mandati nga PS-ja për shkak të votave të pavlefshme në Librazhd është një tjetër provë që hedh poshtë pretendimet e Presidentit Ilir Meta dhe të një pjese të opozitës, sipas të cilëve numri i lartë i skedave të pavlefshme ka qene një manipulimi për të favorizuar fitoren e socialisteve. Është jashtë çdo logjike që një parti politike të investohet në manipulimin e pretenduar të votave të pavlefshme, për t’i shtuar mandatet kundërshtarit.

Rezultati i zgjedhjeve në LIbrazhd

 

Votat e pavlefshme në Librazhd

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15