“Gjykata Kushtetuese gjeti se amendamentet e propozuara të neneve vijuese duket se pakësojnë të drejtat dhe liritë e njeriut të garantuara në Kapitullin II të Kushtetutës dhe rrjedhimisht nuk janë në pajtim me të”, thuhet në një komunikatë të Kushtetueses, duke e cituar nenin e propozuar 162.1 në lidhje me ndërprerjen e parakohshme të mandatit të Presidentit të Republikës së Kosovës.
Reagon Arsim Bajrami nga Komisioni për ndryshime kushtetuese, "Gjykata Kushtetuese e ka tejkaluar juridiksionin e saj per Jahjagen"
Portali Koha net ka shkruar se vendimii plotë i Gjykatës do t’iu dërgohet palëve.
LDK-ja dhe AKR-ja ishin kundër vazhdimit të mandatit dhe kërkonin respektimin e marrëveshjes së partive politike që e solli Jahjagën në pushtet.
Vendimi i plotë i Gjykatës Kushtetuese të Kosovës:
Gjykata Kushtetuese e Republikës së Kosovës sot mori vendim në lidhje me vlerësimin e kushtetutshmërisë së amendamenteve të propozuara të Kushtetutës së Kosovës në rastin KO29/12, të parashtruar më 23 mars 2012, dhe në rastin KO48/12, të parashtruar më 4 maj 2012. Kërkesat i ka parashtruar Kryetari i Kuvendit të Republikës së Kosovës.
Për shkak të objektit të çështjes këto kërkesa u bashkuan dhe u shqyrtuan së bashku. Amendamentet e dorëzuara në Gjykatë më 4 maj 2012 nga ana e Kryetarit të Kuvendit përfshinë edhe amendamentet e dorëzuara më 23 mars 2012.
Gjykata Kushtetuese gjeti se amendamentet e propozuara të neneve vijuese duket se pakësojnë të drejtat dhe liritë e njeriut të garantuara në Kapitullin II të Kushtetutës dhe rrjedhimisht nuk janë në pajtim me të:
1. Neni i ri i propozuar 85.2 (Në lidhje me kufizimin e të drejtës për të qenë kandidat për President vetëm për qytetarët që janë banorë të përhershëm të Republikës së Kosovës për pesë vite)
2. Neni i ri i propozuar 86.3 (Në lidhje me nominimin për pozitën e Presidentit të Kosovës – sepse ka të bëjë vetëm me subjektet politike parlamentare të cilat e kanë kaluar pragun zgjedhor në zgjedhje e fundit)
3. Neni i ri i propozuar 90.5 (2) (Në lidhje me kufizimin e kompetencave të një Ushtruesi të Detyrës së Presidentit për shpalljen e Gjendjes së Jashtëzakonshme)
4. Neni i ri i propozuar 90.5 (3) (Në lidhje me kufizimin e kompetencave të një Ushtruesi të Detyrës së Presidentit për të emëruar gjyqtarët dhe prokurorët)
5. Neni i ri i propozuar 90.5 (5) (Në lidhje me kufizimin e kompetencave të një Ushtruesi të Detyrës së Presidentit për shpalljen e faljeve)
6. Neni i ri i propozuar 104.1 (Në lidhje me veton pezulluese të Presidentit për emërimin e gjyqtarëve të gjykatave të rregullta)
7. Neni i ri i propozuar 114.2 (Në lidhje me veton pezulluese të Presidentit për emërimin e gjyqtarëve të Gjykatës Kushtetuese)
8. Neni i ri i propozuar 162.1 (Në lidhje me ndërprerjen e parakohshme të mandatit Presidentit të Republikës së Kosovës)
Vendimi i plotë i Gjykatës do t’u dërgohet palëve dhe do të jetë në dispozicion në ueb faqen e Gjykatës dhe do të publikohet në Gazetën Zyrtare të Republikës së Kosovës në kohën e duhur.
Prapaskenat e zgjedhjes së Atifete Jahjagës, një ish police e lartë e cila ishte e panjohur pë opinionin e kishte sqaruar Pacolli.
Behgjet Pacolli kishte thënë se ambasadori amerikan Christopher Dell kishte nxjerrë nga zarfi emrin e Atifete Jahjagës për ta propozuar për presidente,
" Hashim Thaçi dhe Isa Mustafa kishin mbetur të habitur.
Pacolli kishte shpjeguar se kjo ngjarje kishte në shtëpinë e tij ku si mysafir i kishte dy liderët e partive më të mëdha në Kosovë si dhe Behgjet Pacollin, i cili kishte negociuar arritjen e marrëveshjes që të enjten zëvendësdrejtoreshën e Policisë së Kosovës e solli në postin më të lartë të shtetit – presidente të Republikës.
/rg/koha.net/shqiptarja.com/
![](https://www.shqiptarja.com/template/img/sh_logo1.png)