Jam i racës së Avni Rustemit! Meta paralajmëron atentat? 'Lexojeni si të doni, nuk do lejojmë të instalohet tirania' (VIDEO)

Presidenti Ilir Meta tha se nuk është i racës së Nikola Gruevskit, por i racës së Avni Rustemit. Kjo deklaratë e tij, bashkuar edhe me disa kontekste të tjera shfaqur në konferencën për media, u përkthye në një kërcënim të hapur për atentat të mundshëm, referuar edhe historisë. U pyet edhe më konkretisht nga gazetarët nëse në mendjen e tij është ndonjë atentat, dhe Meta dha përgjigjen:

"Po jo moj, mos...Lexoni si të duash ti. Shqiptarët nuk pranojnë askënd që të instalojë tirani të vetën personale dhe askënd tjetër të imponojë tirani personale për çdo lloj interesi Shqipëria është anëtar i NATO-s, dhe do të jetë një vend anëtar i BE-së. Kjo rrugë funksionon vetëm me zgjedhje të lira. Jo me lobime".

Edhe më herët gjatë konferencës, Meta tha se sovraniteti mbrohet, madje shkoi deri në limitet e kërcënimit kur tha se është mirë që askush të mos e provojë kokëfortësinë e tij pasi ka gjithë shqiptarët me vete.

"Është mirë të mos e provojë askush kokëfortësinë time për mbrojtjen e interesave të Shqipërisë...është mirë. Nuk jam vetëm. Janë shumë shqiptarë me mua".

Lajmi kryesor:

Meta jep propozimin e tij për zgjidhjen e krizës: Më 13 tetor zgjedhje vendore, të përgjithshme dhe për Presidentin /Video

G.M./b.ha./Shqiptarja.com

TAG:
• Ilir Meta
• Presidenti
• zgjedhjet lokale 2019
• 3 zgjedhje ne 13 tetor