POP 5

Lajmet më të lexuara të 5 minutave të fundit

Arkiva

Janar – mars 2015: Në port 111 anije nga 300 deri në 30 300 tonë mallra

DURRES, 11 Prill /ATSH- G. Kabashi/. – 111 anije tregtare me 672 mijë ton mallra të ndryshme janë përpunuar gjatë tre muajve të parë të këtij viti në portin e Durrësit. Më e madhja prej tyre ka ngarkuar 30.300 ton për eksport, ndërsa një ngarkesë prej vetëm 300 ton ka sjellë anija me sasinë më […]
111 anije tregtare me 672 mijë ton mallra të ndryshme janë përpunuar gjatë tre muajve të parë të këtij viti në portin e Durrësit. Më e madhja prej tyre ka ngarkuar 30.300 ton për eksport, ndërsa një ngarkesë prej vetëm 300 ton ka sjellë anija me sasinë më të vogël.
Anija kineze ne portin e Durresit. Foto:Gezim Kabashi
Sipas të dhënave statistikore, në Terminalin Perëndimor, i cili menaxhohet nga APD, janë përpunuar 51 anije gjithsej, ndërsa në Terminalin Lindor numri i anijeve të përpunuara në tre muaj është 19. Në këto dy Terminale janë përpunuar 362 mijë ton mallra gjithsej në anije që kanë transportuar mesatarisht 5171 ton. Ndërkohë, në Terminalin e Kontejnerëve janë përpunuar 41 anije me një mesatare prej afro 550 kontejnerë TEU.
Gjatë periudhës 3-mujore tragetet kanë kryer 226 lundrime vajtje - ardhje me rreth 182 mijë ton mallra.
Nga të dhënat e sektorit të statistikave mësohet se anija kineze "Jia Ning Shan" me gjatësi 200 metra është mjeti lundrues, që ka ngarkuar 30.300 ton klinker për eksport, sasia më e madhe e përpunuar në një anije që nga fillimi i vitit. /atsh/
 
 
 

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10