Dikasteret nuk po arrijnë të realizojnë projektet e planifikuara, duke thelluar më tej edhe në fund të pesëmujorit të parë të vitit deficitin në investimet publike. Në total, të ardhurat në buxhetin e shtetit për periudhën nga janari deri në fund të muajit maj, sipas statistikave zyrtare paraprake të ministrisë së Financave dhe Ekonomisë, janë realizuar 100 për qind, ndërsa shpenzimet sa 97 për qind e planifikimit fillestar për këtë periudhë. Kjo ka bërë që performanca buxhetore sërish të shënojë suficit.
Të ardhurat
Sipas Financave, janë mbledhur në total 188.3 miliardë lekë të ardhura të të gjitha llojeve, duke bërë që shifra e synuar të arrihet gati plotësisht. Shifra është më e lartë se ajo e një viti më parë, kur të ardhurat shënuan si 5-mujor 176.7 miliardë lekë. Ajo që vijon të bëjë përshtypje, është se Tatimi mbi Vlerën e Shtuar vijon të jetë nën planifikimin. Janë 4.3 miliardë lekë që janë grumbulluar më pak nëpërmjet TVSH-së, nga sa ishte planifikuar, megjithatë shifra prej afro 55 miliardë lekësh është më e lartë se 53.8 miliardë që u shënuan vitin e kaluar.
Akcizat kanë realizuar 99 për qind të shifrës së planifikuar, ndërkohë që edhe tatimi mbi fitimin, edhe ai mbi të ardhurat personale kanë tejkaluar pritshmëritë, duke sjellë përkartësisht 12% dhe 11% më shumë nga ajo që pritej.
Ka qenë pushteti vendor, që duket se ka shënuar shifra mjaft më të larta se ato që planifikoheshin në fillim të vitit. Kështu, nga 170.5 miliardë lekë, që ishin të ardhurat e bashkive një vit më parë në periudhën janar-maj 2018, këtë pesëmujor shifra shkon në 187.4 miliardë lekë. Këtu dallojnë të ardhurat nga taksat mbi pasurinë, që janë 58% mbi planin, taksat lokale (+19), ndërkohë që biznesi i vogël ka paguar vetëm 71 për qind të taksave të planifikuara.
Nga kontributet e sigurimeve shoqërore është arritur të realizohet planifkimi, ndërkohë që ato për sigurimin shëndetësor janë realizuar në masën 96 për qind. Nga ana tjetër, fondi i kompensimit për pronarët është “pasuruar” me 482 milionë lekë, që është një shifër 197 milionë lekë, ose 69% më e lartë se ajo që synohej për këtë periudhë të vitit.
Shpenzimet
Shpenzimet buxhetore në total kanë qenë 5.3 miliardë lekë, ose 43 milionë euro më pak se parashikimet. Për papunësinë janë paguar 76 për qind më shumë se plani, për ndihmë ekonomike 16 për qind më shumë, si dhe shifra në favor të ish-të përndjekurve ka qenë 145 për qind më e lartë se prognoza e periudhës.
Por investimet publike kanë shënuar një shifër mjaft të ulët, duke ndjekur një tendencë jonormale për një periudhë zgjedhore, kur tradicionalisht shifra fryhet në mënyrë artificiale, por këtë vit nga janari deri në maj shifra është 24 për qind më e ulët se ajo e parashikuar. 22 miliardë lekët e shpenzuar për investime janë më të ulta edhe se një vit më parë (22.3 miliardë lekë), duke shënuar një “gropë” prej 7 miliardë lekësh, ose 57 miliardë eurosh mosrealizim në këtë zë të rëndësishëm.
Si rezultat i këtyre arritjeve, buxheti sërish vazhdon të jetë në suficit, por shifra është mjaft më e ulët se ajo që parashikohej.
Shpenzimet kapitale
Investimet publike kanë shënuar një shifër mjaft të ulët, duke ndjekur një tendencë jonormale për një periudhë zgjedhore, kur tradicionalisht shifra fryhet në mënyrë artificiale, por këtë vit nga janari deri në maj shifra është 24 për qind më e ulët se ajo e parashikuar.
Komente
Lajme të tjera
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
-
Pr/buxheti 2025 do jetë 8.2 mld euro, 600 mln euro më shumë se ky vit! Qeveria ndan vetëm 53 mln euro për indeksimin dhe bonusin e pensionistëve
28 Tetor, 12:07
-
Zgjerohet suficiti buxhetor, në 9 muaj arriti në 700 milionë euro! U mblodhën 5.2 mld €, por u realizuan vetëm 60% të shpenzimeve të planifikuara
22 Tetor, 09:47
-
Moody’s rishikon në rritje ekonominë shqiptare, nga 'pozitive' në të 'qëndrueshme'! Malaj: Ndikim ulja e borxhit, rritja e investimeve
19 Tetor, 14:09 -
Pritet të jetë më i madhi, ‘Financa’ nis hartimin e projektbuxhetit 2025! Parashikohet rreth 8.2 mld euro, sektorët që marrin ‘pjesën e luanit’
18 Tetor, 18:31
-
Rriten me 10% të ardhurat, Ministria e Financave: Në 9 muaj janë arkëtuar rreth 516 milionë euro më shumë se vjet
18 Tetor, 14:13 -
20 euro në vit për çdo krevat! Qeveria rikthen taksën e sheshtë për sektorin e turizmit
15 Tetor, 15:51
-
‘Borxh për të larë borxhet’, Ministria e Financave nis procedurat për eurobondin e ri 600 mln € në vitin 2025
11 Tetor, 14:56
-
Nëndeklarimi i pagave godet dhe buxhetin, 4.5 mln euro më pak vetëm në 3 muajt e verës
4 Tetor, 14:57
Nuk mungojne por fondi nuk eshte levruar akoma sepse sipas nje VK -meje leket duhen per te paguar vendimet e gjykates se Strasburgut.
Përgjigju