X

POP 5

Lajmet më të lexuara të 5 minutave të fundit

Ekonomi

Janar-shkurt 2021 vendi importoi më shumë pjesë këmbimi dhe ushqime, INSTAT: Eksportuam më shumë tekstile

Në dy muajit e parë të këtij viti vendi ka importuar dhe eksportuar më shumë pjesë këmbimi, ushqime, tekstile dhe materiale ndërtimi. Dhe sipas të dhënave të INSTAT rritja më e lartë e importeve ishte për pjesë këmbimi, dhe e eksporteve për tekstile.

Tregtia në muajit e parë të këtij viti është përmirësuar lehtë nga viti i kaluar, dhe rikuperimi është më i ndjeshëm sa i takon importit. Në dy muajit e parë të vitit vendi ka blerë nga jashtë më shumë makineri, pajisje dhe pjesë këmbimi, si edhe ushqime e pije joalkoolike.

Konkretisht në dy muajit e parë të këtij viti kemi importuar nga jashtë 23 miliardë lekë makineri e pjesë këmbimi, duke pësuar një rritje me 3.2 miliardë lekë nga viti i kaluar.

Në vend të dytë për vlerën e lartë të importeve është grupi i ushqimeve dhe pijeve joalkoolike. Sipas të dhënave të INSTAT në muajit janar-shkurt 2021, vendi ka importuar nga jashtë 15.7 miliardë lekë vetëm ushqime, edhe pse me një rënie të lehtë krahasuar me vitin e kaluar.

Ndërkohë Shqipëria në këto dy muaj u ka shitur vendeve të tjera më shumë tekstile dhe këpucë, për shkak të industrisë së fasonerisë që është e përhapur në vend, dhe lidhjes që kemi me shumë shtete për këtë industri. Konkretisht sipas INSTAT, në janar e shkurt janë eksportuar 17,6 miliardë lekë, me një rënie prej 2.3 miliardë lekësh, si pasojë e pandemisë dhe rënies së sektorit të modës në Itali, Spanjë apo Gjermani që janë partnerët tanë kryesor në manifakturë.

Më pas vijnë eksportet e materialeve të ndërtimit, energjisë elektrike si dhe ushqimet e pijet joalkoolike. Krahasuar me vitin 2020 këtë vit vendi ka eksportuar 987,8 milionë lekë ushqime më shumë, duke treguar se vijon trendi pozitiv me eksportet bujqësore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Jakin Marena: ‘Mistreci’ i vogël Albin, ‘vëllai’ i madh Rama dhe shqiptarët në RMV

Jakin Marena: ‘Mistreci’ i vogël Albin, ‘vëllai’ i madh Rama dhe shqiptarët në RMV

26 Prill, 19:11 nga Jakin Marena