Partizani dhe Gega i ftojnë të gjithë në festë për titullin, Tirana dhe Kastrioti luajnë mbijetesën

Të dielën në orën 16:30 do të luhet java e parafundit e Superligës ku pritet të ketë të tjera verdikte përveç titullit kampion. Partizani i cili e ka siguruar titullin do të presë në “Selman Stërmasi” Kukësin e vendit të dytë, që përballë të kuqve synon fitoren për të mos rrezikuar zonën Europiane. Ndërkohë te të kuqtë gjatë javës kanë munguar në strëvitje katër futbollistë, portieri Hoxha, Trashi, Telushi dhe Mala, të thirrur nga ekipi kombëtar. Një arritje kjo jo vetëm për futbollistët, por edhe për klubin.

“Të gjithë jemi të kënaur dhe të lumtur. Besoj se e kanë merituar, djersa dhe mundi I tyre është shpërblyer. Është një thirrje, një zbor, ose soleksionim, Pozitive që trajneri i kombëtares e ka bërë këtë gjë.”

Më shumë se sa te ndeshja Partizani është i fokusuar te festa, pasi në përfundim të 90 minutave me Kukësin do t’i dorëzohet titulli kampion. Përveç festës në fushë klubi do të organizojë edhe një festë madhështore në sheshin “Nënë Tereza”, duke filluar nga ora 19:30, ku do të përformojnë edhe këngëtarë të famshëm shqiptar. Për këtë ngjarje trajneri Gega nuk ka nguruar t’i ftojë të gjithë.

“Do kisha dëshirë që çdo njeri që merr frymë të marrë pjesë në festë. Sheshi ‘Nënë Tereza’ është i madh dhe mban sa të duash. Çdo njeri që e ndjen, që ka kontrbiuar, ka dëshirë, është gëzuar për këtë trofe pavarësisht se ka qenë skeptik, nëqoftëse e ka dashur këtë bluzë pa interes le të vijë nesër në darkë. ‘Nënë tereza’ është pa dyer e pa dritare, kështu që le të vijnë.”

Ndërkohë i pyetur nëse mrekullia titull këtë vit Partizanit i erdhi nga Amerika futbollisti Dilaver Duka është shprehur:

“Është e këndshme të dëgjosh këtë. Mendoj se nuk ka rëndësi se nga vijnë njerëzit. Suksesi vjen nëse ke skuadrën e duhur. Te Partizani këtë vit kanë qenë njerëzit e duhur për të punuar së bashku.”

Ndërkohë në Krujë Kastrioti do të luajë mbijetesën përballë Teutës. Në prag të takimit trajneri Bledar Devolli ka deklaruar:

“E mira do ishte të kishim fituar me Tiranën dhe çdo gjë të ishte në dorën tonë, por ka edhe dy javë kampionat. Shpresoj të marrim maksimumin në këto dy ndeshje dhe të gaboj rivali ynë direkt.”

Në Laç kurbinasit do të presin Tiranën në një takim ku bardheblutë rrezikojnë shumë, pasi ndodhen vetëm 2 pikë larg Kastriotit. Kjo pritet të jetë edhe sfida më interesante e javës për shkak të atyre që kanë ndodhur në të kaluarën, por edhe për arsyen se Laçit I duhen pikët për Kupat e Europës. Sfida tjetër e kësaj jave do të jetë ajo mes Skënderbeut dhe Luftëtarit, ndërsa Flamurtari merr tre pikët në tavolinë për shkak se kalendari i rezervon përballjen me Kamzën

Ne.k./Shqiptarja.com

TAG:
• partizani
• superliga