POP 5

Lajmet më të lexuara të 5 minutave të fundit

Sport

'Je pak dembel', Santos debatoi me Benzemanë! Zbulohet biseda që solli shkarkimin e trajnerit

Kampionët e Ligës Saudite, Al-Ittihad kanë shkarkuar ish-trajnerin e Tottenham, Nuno Espirito Santos, pas një serie rezultatesh të dobëta.

'Je pak dembel', Santos debatoi me Benzemanë! Zbulohet biseda që solli shkarkimin e trajnerit

Nuno Espirito Santos dhe Benzema

ARABIA SAUDITE - Kampionët e Ligës Saudite, Al-Ittihad kanë shkarkuar ish-trajnerin e Tottenham, Nuno Espirito Santos, pas një serie rezultatesh të dobëta. Ata kanë fituar gjashtë nga 12 ndeshjet e ligës këtë sezon dhe pësuan një humbje 2-0 nga Air Force Club of Iraku në Ligën e Kampionëve të Azisë të hënën.

Nuno, 49 vjeç, mori drejtimin e Al-Ittihad në korrik 2022 pasi u shkarkua nga Tottenham tetë muaj më parë. Ndihmës trajneri Hassan Khalifa do të marrë drejtimin e përkohshëm të ekipit. Sipas ekspertit spanjoll të futbollit, Guillem Balague, ish-trajneri i Wolves Julen Lopetegui është kontaktuar për këtë rol, por spanjolli është i prirur të presë për një mundësi në Premier League.

Gazeta saudite Al-Riyadiyya zbulon këtë të mërkurë përmbajtjen e diskutimit që u zhvillua në pjesën e parë, kur skuadra po humbte 0-1 me irakenët. Nuno Espirito Santo kritikoi sulmuesin francez: “Ti je një lojtar i madh, por dukesh pak dembel kur bëhet fjalë për të bërë presion ndaj kundërshtarit”.

Përgjigjja e francezit ishte: “Mos fol vetëm me mua, fol me gjithë grupin”, gjë që rriti pakënaqësinë e portugezit: “Ti je kapiteni, modeli për lojtarët e tjerë dhe lojtari më i rëndësishëm, duhet të marrësh iniciativën dhe të jesh shembull për të gjithë.”

E debati me francezin duket se ka "krisur" edhe narrëdhëniet e tij me lojtarët e tjerë dhe klubin, që kanë vendosur për shkarkimin.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

U aludua se tatuazhi i Sarës i dedikohej Ledrit, ja si qëndron e vërteta

U aludua se tatuazhi i Sarës i dedikohej Ledrit, ja si qëndron e vërteta

28 Prill, 15:01