POP 5

Lajmet më të lexuara të 5 minutave të fundit

Sociale

Jetesë në çadër verore në Fanin e acartë të Mirditës, familja me 8 anëtarë kërkon një kontejner

Familja me 8 anëtarë në Fan të Mirditës, mes tyre edhe 6 fëmijë jetojnë në një çadër verore. Familja Gjoka kërkon një kontejner për të kaluar ditët e acarta të dimrit.

Temperaturat e ulëta që kanë përshirë vendin tonë kanë vështirësuar jetesën në çadra verore të banorëve të cilët mbetën të pastrehë pas dëmeve nga tërmeti i 26 nëntorit. Familja me 8 anëtarë e Alfred Gjokës në zonën malore të Fanin në Mirditë kërkon një kontejner për të kaluar ditët e acarta të dimrit.

"Apeli im është që kush të ketë mundësi të më sjellin një kontejner sepse dimri këtu është shumë i vështirë dhe nuk mund të kalojë kështu. Duhet një zgjidhje për të kaluar dimrin", tha kryefamiljari.

"Kush të ketë mundësi të vendos dorën në zemër për fëmijët e mi, pasi kushtet këtu janë shumë të vështira", tha kryefamiljarja.

Vështirësitë e kësaj familje i tregojnë dhe fqinjët të cilët i kërkojnë institucioneve shtetërore që të gjejnë zgjidhje.

"Kushtet janë të këqija, këta nuk kanë ku të qëndrojnë në këto kushte. Shtëpia i është dëmtuar dy herë, i ka fëmijët e vegjël dhe nuk mund të rrinë kështu", tha një nga fqinjët.

Në situatë të ngjashme janë disa familje në zonën e Mirditës, të cilët vijojnë të qëndrojnë në çadra dhe ende nuk dinë se çfarë do të bëhet me banesat e tyre të dëmtuara rëndë nga tërmeti i 26 nëntorit.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 07/02/2020 17:19

    Shteti te ndihmoje jete familje te varfer jo me konteiner por me nje shtepi . Firmat e huaja qe ushtrijne aktivitetin ne minierat dhe hidrocentralet paduri e atij populli,nuk ndihen por vetem cvasin. Shikoni TAPin dhe Saimir Manen qe kane fond tevecante per ndihmen e familjeve ne nevoje

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37