Ngjarje që jetojmë çdo ditë, njerëz që ndeshim në udhëtimin tonë, por edhe hapësirat në të cilat endemi për të reflektuar, vijnë nën penelin e piktorit të njohur Hasan Nallbani në galerinë e Fakultetit të Arteve Pamore. Ekspozita e kuruar nga Ajola Xoxa ka marrë jetë falë platformës së Harabel, që ka zhbiriluar në skutat e studios së piktorit, i cili çdo ditë ndërton një vepër arti, që ka brenda Jetën e të tjerëve, por edhe vet jetën e tij, artistike dhe personale.
“Ka karaktere që qëndrojnë shumë intime edhe personale, as ti edhe as vet piktori nuk i vëzhgon. Prandaj vjen në këtë titull, sepse të gjithë këta personazhe në errësirë vazhdojnë jetën e tyre, edhe ti je personazhi që i vëzhgon. Ndërsa, ata vazhdojnë që të jenë vetëm. Portretet e njerëzve, vijnë plot tension, duke qarë edhe duke qeshur, duke krijuar kështu një publik masiv. Në moshën 85-vjeçare me një karrierë kaq të madhe, s’ka më rëndësi nëse është i vëzhguar apo vëzhgues. Në studion e tij, e përjeton jetën duke marrë përjetime të thjeshta edhe të vërteta, pa kërkuar një hero”, shprehet kuratorja e ekspozitës Ajola Xoxa.
Piktori teksa përshkruan këto figura njerëzore, ndalet veçmas tek figura e gruas në shoqërinë tonë, tek përpjekjet edhe tek fati që ajo ka në një vend ku emancipimi nuk është kryefjalë e ditës. E megjithatë, gruaja e tablove të Nallbanit as nuk lëkundet edhe as nuk provokon me zhveshjen e saj.
“Jeta e të tjerëve është edhe jeta jote njëkohësisht, prandaj ky titull është për ti gjetur një arsye për produktin tënd. Edhe ti vet je aty brenda. Në kuptimin e jetës së të tjerëve në kuptimin e një marrëdhënieve që ty të ka përcjell gjatë viteve të fundit, që përbëjnë edhe ciklin e kohës së fundit. Tema që ka gruan në fokus është një temë, që nuk ke përse e mbyll, është ekzistuese edhe aktuale, është problematike, edhe arti e ka mision që të prek problemin shoqëror, që përbën problem, edhe që jep arsyet për të ndërtuar një vepër arti” i cili mendon se fati i gruas, jeta e gruas në Shqipëri është e tillë që të angazhon në një përpjekje, që kthen vëmendjen e shoqërisë ndaj këtij personazhi, që është gruaja në jetën tonë.
“Ky është një problem që nuk zgjidhte përnjëherë, as me fushata edhe as me propaganda, ato ndihmojnë, por duan kohën e vet, një shoqëri e paemancipuar edhe me halle që ka pas jeta jonë, nuk mund të presësh që të restaurojë për një herë pozicionin e gruas. Kërkon kohë, prandaj edhe arti i shërben këtij qëllimi që të realizojë këtë emancipim të gruas në shoqëri. S’mund të kesh as demokraci në një shoqëri që ka diferenca midis këtyre dy sekseve”, rrëfen Nallbani.
Të pajustifikueshëm e quan artisti, aksident në kohë moderne, realitetin ku artistëve pamorë nuk u krijohen mundësia e ekspozimit në galerinë kombëtarë të arteve. E megjithatë, edhe pse i ka mbushur 85-vjeç, ai na rrëfen se ka ende shumë për të krijuar
“Ai është një problem, që e konsideroj një anormalitet në realitetin tonë kulturor, veçanërisht për kategorinë e brezave të moshuar si puna ime, ku një institucion që është kryesori në kulturën tonë, s’ka vend për njerëz si unë edhe shokët e mi. Është një aksident, por do të kalojë”.
Ndërsa, motivon ëmbël teksa thotë, se liria në artin e tij, ka shërbyer për të fituar kohën e humbur para viteve ‘90
“Unë e shikoj si një përpjekje për të kapur kohën e humbur, një kohë e gjatë që na ka munguar kjo hapësirë, që artisti ka nevojë që ta aplikojë kohën në hapësira të tjera. Edhe në ato rrethana ne jemi përpjekur për të ndërtuar një lloj personaliteti, nuk kemi qenë të detyruar që të paguanim haraçin që kërkonte koha”, përfundon artisti.
Ekspozita do të qëndrojë hapur deri në datë 4 shkurt në galerinë e Fakultetit të Arteve Pamore.
Lajme të tjera
-
Hetimi pasuror i SPAK, Ajola Xoxa dhe Arbër Veliaj ankimojnë kontrollet e agjentëve të BKH-së
12 Dhjetor, 14:22 -
Berisha tha se Ajola Xoxës iu gjetën 230 mijë euro te Qendra 'Harabel', reagon Veliaj: Hienë e xhindosur! Fundërrina e fundërrinave të kombit
10 Dhjetor, 09:29 -
Kreshnik Spahiu: Pastroni politikën duke sekuestruar 10 telefonat e oligarkëve dhe jo 10 grave apo vjehrrave…
9 Dhjetor, 16:22
-
SPAK i sekuestroi telefonin bashkëshortes, Veliaj: Hetimi pasuror i mirëpritur! S'bëj pjesë te kasta e vjetër politike që sulmon drejtësinë me çdo mjet
6 Dhjetor, 20:40 -
SPAK sekuestron telefonin e bashkëshortes së kryetarit të Bashkisë Tiranë Erion Veliaj! Kontrolle tek galeria 'Harabel', por jo tek banesa
6 Dhjetor, 11:22 -
Ekspozita e Salvador Dalisë, për herë të parë në Shqipëri. 100 ilustrime të “Komedisë hyjnore” të Alighierit
5 Dhjetor, 11:53
-
‘Dashuritë e presidentit’ te ‘Eksperimentali’! Western Balkan Youth Orchestra tek ‘Artet’! Performancë e frymëzuar nga ‘Një mijë e një net’ në Vlorë!
9 Maj, 11:40 -
Nisin sot në sheshin ‘Skënderbej’ Javët Kulturore! Tek ‘Eksperimentali’ rikthehet ‘Amerikani'! Ekspozita e Pllanas ‘Cut me to pieces’ e kuruar nga Ajola Xoxa te ‘NAAN’!
1 Maj, 10:55 -
Leonard Qylafi 'Përtej rrethit të konfuzionit'! Xoxa: Puna kërkimore në veprat e tij sjell frymë të re! Romano: Udhëtim në tri seri, nga propaganda te interneti
25 Janar, 15:41
-
Tirana pret Festivalin Ndërkombëtar të Kërcimit Bashkëkohor nën drejtimin e koreografit me famë botërore, Preljocaj: Shfaqje dhe kurse kërcimi falas
22 Shtator 2023, 22:33 -
‘Eh, bija ime, unë jam bërë piktor 50-vjeç'! ‘Drita’ e artistit të heshtur Ali Oseku, e ekspozuar në ‘Harabel’! Ajola Xoxa tregon bisedën në studion e tij
8 Shtator 2023, 16:57
-
Në 100 vjetorin e lindjes përkujtohet vepra e Jakov Xoxës! Studiuesi Sinani: Kryeson piedestalin e letërsisë shqipe të shekullit 20
9 Qershor 2023, 19:00
