POP 5

Lajmet më të lexuara të 5 minutave të fundit

Kronikë

‘Ju jap sa para të doni, vetëm më lini të iki’, pasi u vu në pranga, Ramazan Rraja iu ofroi lekë policëve në këmbim të lirisë

Të tjera detaje kanë dalë nga arrestimi i Ramazan Rrajës, një person i njohur në botën e krimit, i cili ra në pranga pak ditë më parë. Report Tv mëson se në momentin e arrestimit, Ramazamn Rraja iu ka ofruar efektivëve para në këmbim të lirisë.

Të tjera detaje kanë dalë nga arrestimi i Ramazan Rrajës, një person i njohur në botën e krimit, i cili ra në pranga pak ditë më parë. Report Tv mëson se në momentin e arrestimit, Ramazamn Rraja iu ka ofruar efektivëve para në këmbim të lirisë.

‘Ju jap sa para të doni, vetëm më lini të iki’ mësohet t’iu ketë thënë Ramazan Rraja policëve, me qëllim që ata ta lironin atë dhe Elton Llozhin.

Ramazan Rraja, i shpallur në kërkim për atentatin ndaj prokurorit Arjan Ndoja, u arrestua më 19 prill në një lokal në Fushë-Krujë. Gjatë operacionit për arrestimin e Rrajës, policët kanë qenë të veshur me maska, veshje dhe armatim operacional. Ata kanë pasur informacion të saktë për lëvizjet e Rrajës dhe kanë ndërhyrë pikërisht në momentin që ai ka shkuar në lokal, ku kanë bllokuar edhe të dyja dyert e lokalit për arrestimin e tij.

Në momentin e arrestimit, Ramazan Rrajës, nipit të deputetit socialist Rrahman Rraja, iu kap një pistoletë me një plumb në fole, gati për qitje. Ramazan Rraja, sipas policisë që nga momenti i shpalljes në kërkim nuk është larguar në asnjë moment në Dubai, por fshihej në trekëndëshin “Durrës-Lezhë -Tiranë”.

Në momentin e arrestimit 30-vjeçari, shoqërohej edhe nga një njeri tjetër i botës së krimit, 39-vjeçari Louis Konomi alias Elton Llozhi, i shpallur në kërkim nga policia e Elbasanit për “Shtrëngimi me anë të kanosjes ose dhunës për dhënie pasurie”, të kryer në bashkëpunim.

Në 20 janar 2023 për atentatin ndaj Ndojës u arrestuan Genti Ndërjaku alias Akil Ndërjaku, Marsel Deçka, Endrit Sinani, Julian Pjetri dhe Bashkim Haxhija. Në 22 shkurt u arrestua në Abu Dhabi Amar Dritan Shkëmbit, në kërkim për atentatin janë edhe Julian Meçaj dhe Plaurent Dervishaj.

SPAK pretendon se Ramazan Rraja, bashkë me kushëririn e tij dhe persona të tjerë kanë organizuar atentatit ndaj prokurorit Arian Ndoja më 1 nëntor 2019. Në atentat mbeti i vrarë shoferi Andi Maloku, dhe u plagos Landi Muharremi “Rrumi i Shijakut” dhe ish-prokurori i Durrësit, Arjan Ndoja. 

Ramazan Rraja është pyetur nga policia në muajin tetor të vitit të kaluar, edhe për vrasjen e trefishtë të mbikalimit të Fushë-Krujës, ku mes të vrarëve ishte kushëriri i Ervis Martinaj, Brilant Martinaj. Ramazan Rraja ka qenë në kërkim policor për vrasjen e trefishtë të mbikalimit të Fushë-Krujës për t'u marrë në pyetje, por në atë kohë nuk është gjetur. Në muajin tetor, pasi është kthyer nga jashtë është paraqitur personalisht dhe më pas është lënë i lirë.

Kujtojmë se Rraja po ashtu, në 2021 u shpall në kërkim pasi hyri i maskuar e i armatosur në një lokal. Ramazan Rraja po ashtu më herët u arrestua në Belgjikë dhe Gjermani për drogë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gripi: 22/04/2023 22:06

    Kete duhet ta kishte vrare policia gjate aksionit. Ne kruje duhet nje pastrim i mirefillte ushtarak. Bamet, Rrajat, Hakat, Çangu duhen dermuar si fise. Me pas do i shihni garipat nga ajo zone dhe babain e ketij plehre qe del me deklarata ne TV. Ne lezhe laç duhen goditur Ndoket dhe Fufet. Ne shkoder Bajrat, Lict dhe Lul Kulla. Nese duan rend dhe qetesi kaq eshte per veriun. Per jugun e njajta gje. Boll e terrorizuan kete popull.

    Përgjigju
    • Arturi: 22/04/2023 22:36

      Po esh e vertet po kujt ja thu!! Ky shtet ka ren me koke posht

  • Doda: 22/04/2023 18:36

    Po po. E neser vjen e te ven koburen ne krye te djalit...mi kthe leket ose te shfarosa. Burrni vrasesish me pagese

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

26 Dhjetor, 22:31