Receta

Jufka me mish pule - Tradita dibrane nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 23 Tetor 2023, 11:48 | Përditesimi: 23 Tetor 2023, 11:51

Jufka me mish pule - Tradita dibrane

Përbërësit:

500 gr jufka
1 pulë e vogël
2 kokrra qepë
1 lgj kripë
1 lgi salcë domate koncentrat
2 lgj gjalpë
1 lgj vaj ulliri
1 litër buljon pule
Piper i kuq pluhur
Piper i zi kokërr

Përgatitja:

LEXO EDHE:
Pulë me oriz në furrë nga zonja Albana

Fillimisht ndajmë pulën në racione dhe e kaurdisim në gjalpë së bashku me qepët e grira imët. Më pas shtojmë salcën koncentrat të domates dhe rreth 1 litër ujë dhe e lemë pulën të ziejë. Ndërkohë jufkat i shtrojmë në një tavë, i spërkasim me pak gjalpë dhe i vendosim në furrë për rreth 10 minuta sa të marrin pak ngjyrë duke i përzier herë pas here që pjekja të bëhet e njëtrajtshme. Rregullojmë shijen e pulës me kripë, piper të kuq dhe piper të zi kokërr. Largojmë jufkat nga furra dhe hedhim 2- 3 garuzhde lëng pule. I trazojmë pēr 2 minuta sa jufkat të zbuten pak dhe më pas shtojmë pjesën tjetër të buljonit si dhe racionet e pulës. E vendosim tavën në furrë në temperaturën 180 gradë për rreth 15 minuta.

MC/Shqiptarja.com

TAG: