FIER - Kreu i Lëvizjes Socialiste për Integrim, Ilir Meta e ka cilësuar një hakmarrje kërkesën e PD-së për shkarkimet e anëtarëve të LSI-së nga postet drejtuese në organet shtetërore, pas largimit të koalicionit qeverisës.

Nga Fieri, Meta preku edhe propozimin e Partisë Demokratike për shkarkimin nga Komisioni Qendror i Zgjedhjeve anëtarin e LSI-së, Ilirian Muhon, duke e cilësuar si një ndërhyrje antiligjore.

Meta përsëriti edhe një herë se vendimi për të bërë koalicion me Partinë Socialiste është marrë në shërbim të së ardhmes së vendit. Ai premtoi se përfaqësuesit e LSI që janë shkarkuar nga puna do pozicionohen sërish në postet e tyre drejtuese.

(gre.m/shqiptarja.com)