Sot nuk mund të rrinim pa diskutuar fushatën e hapjes së ditës së shtunë të koalicionit të Berishës dhe Metës. Gjithçka ishte përtej pritshmërive në sensin negativ, nuk pritej të ishte ndonjë miting i madh, sepse dhe herë të tjera e ka treguar që nuk ka funksionuar. Aq më tepër mbas mitingjeve të vazhdueshme kur kërkoi formimin e një partie politike të re ose të mbante premtimin e PD, që të rrëzonte Ramën. Koha tregoi që nuk e rrëzon dot Ramën, koha tregoi që nuk është më ai i pari, ose më saktë nuk ka evoluar fare, ka mbetur ai i pari. Me të njëjtën ideologji dhe teknikë, mirëpo kohët kanë ndryshuar dhe mesa duket këtë vetëm Berisha nuk e kupton.
Berisha e humbi shansin e madh të largohej në 2013 mendoi që po bënte shejtan- budallain duke ndenjur brenda PD dhe duke komanduar PD-në, duke lënë Lulzim Bashën, por harroi që ai ishte çiraku dhe nuk ja hidhte dot mjeshtrave që ishin amerikanët, ata që edhe i kishin mësuar zanatin. Aq më tëpër e mjerueshme bëhet pamja e Sali Berishës kur shikon stadiumin pothuajse bosh. Kjo kuptohet nëse ata që e kishin mbushur ishin përfaqësues të LSI-së apo ishin ata të PD që mendonin se duhej Berisha të hiqte Lulin, sepse këta nuk e hiqnin vetë, mirëpo Berisha nuk mbajti premtimin të ikte dhe vetë. Mirëpo ky koalicion ka një problem të madh, mungesa e besueshmërisë, mospasja e SHBA-ve në krah.
Ardhja një ditë para e Escobar, deklaratat e tij pa pikën e diplomacisë, padyshim që kanë pasur efekt në ndjekësit e foltores. Padyshim që ja ka dalë të bëjë esëll edhe një pjesë të mirë të atyre që e ndiqnin mbrapa Berishën me shpresën se mund të ndryshojë. Pamja e nxirë e Ilir Metës kur doli nga takimi tregon që bisedimet nuk kanë qenë fort të buta, ose pa ton të ashpër nga ana Escobarit. E vërtetë që në sytë e opinionit publik dalja e Metës nga takimi me Escobar është një lloj oksigjeni sa i përket asaj që ‘shiko se nuk jam njësoj si Sali Berisha’.
Mirëpo pamja e zymtë pas takimit tregonte që aty nuk kishte diskutuar për gjëra të ëmbla, por për gjëra të hidhura. Ne jemi në një situatë ku opozita i ka kuotat më të ulëta se kurrë dhe ajo që bie në sy është rënia e popullaritetit të Berishës. Berisha sa vjen e po mblidhet dhe po tkurret. Tashmë është një hije e vetvetes, është një personazh që avash avash rrezikon të kthehet dhe qesharak. Kemi zgjedhjet lokale por mos harrojmë që një pjesë të madhe të votave të koalicionit do ta ketë dhe Ilir Meta, kështu që e vështirë nëse do të bërtasë ‘fitore’.
Më pas vijnë zgjedhjet e përgjithshme ku padyshim do harxhohen të gjitha bateritë. Por mendoj se Sali Berisha do shkojë shumë i lodhur në zgjedhjet politike, nëse do t’ i arrijë zgjedhjet politike, sepse përllogaritjet janë se do dalë shumë keq edhe në këto zgjedhje. Do kenë rëndësi përqindja e votave që do marri por kjo përqindje nuk është fortë domethënëse duke përllogaritur që ka peshën e vet dhe vota për kandidatët. Ajo që është evidente është sepse kjo betejë po konceptohet si betejë politike, jo më kotë ne shohim udhëheqësit kryesorë Ramën, Ilir Metën dhe Sali Berishën dhe nuk shohim fare kandidatët që do jenë konkurrentë.
Për Berishën kjo është periudhë jetë a vdekje dhe Rama e ka pranuar këtë zgjedhje dhe nuk do duhet deri për zgjedhjet e përgjithshme që ta kuptojë populli sepse analistët e kanë kuptuar që fati i Sali Berishës tashmë është i vulosur. Ndeshja e tij politike, ndeshja e tij e jetës ka mbaruar në një stadium të zbrazur. Një fat që ai e kërkoi dhe e ndërtoi vetë. Pavarësisht se jeta i dha shumë mundësi ai u kujdes që të gjitha t’i shkatërronte dhe të linte në fund të historisë së tij një emër shumë të keq.
Komente
Lajme të tjera
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Sot protesta e opozitës/ Zbardhet ‘skenari’, PD do bllokojë rrugët, policia: Është vepër penale, do ketë pasoja! Do jetë dhe Berisha
23 Dhjetor, 07:51 -
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
11 Maji/ Berisha bën gati alibinë: Rama s’bën zgjedhje, por fasadë
22 Dhjetor, 15:24 -
Mbyllja e Tik Tok, Berisha: Edi Rama vendosi ta ndalojë, aksionet e tij kanë rënë në mediat sociale! Do hapet pas zgjedhjeve, vazhdoni postoni
22 Dhjetor, 15:20 -
Në 1995 e quajti spiun i sigurimit të Shtetit dhe bashkëpunëtor i Ramiz Alisë' - Berisha para dhe pas vdekjes së Azemit
22 Dhjetor, 13:59 -
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Kur Sali Berisha thoshte në Parlament: Nëse dëshironi ua sjell edhe këtu Damir Fazlliç
21 Dhjetor, 11:11 -
Berisha non-grata, Alexander Kasanof për VOA: Përcaktim për të ndihmuar reformën në drejtësi dhe SPAK
20 Dhjetor, 18:35
Fundi është i hidhur or plak matuf...po ik e zhduku more mashtrus ordiner
PërgjigjuQe ndeshja ka mbaruar qe nga viti 2013 kjo dihet boterisht,por i genjen mendja. Kurse per emrin ska si ta lere me te keq me. Saliu i zi,non grata neper bote. Ilir spiuni ,ku do vej me keq. Dhe kryesorja shqipetaret i kane bojkotuar per se keqi. Me vje keq qe kete se ka kuptuar akoma drejtesia qe ne fakt keta e kan ngritur per te mbrojtur veten dhe cesht e keqja kjo po funksionon.
Përgjigju