Ekipi kombëtar U-21 i drejtuar nga trajneri Skënder Gega më datë 6 shkurt do të zhvillojë një ndeshje miqësore përballë ekipit të Maqedonisë në stadiumin e qytetit të Laçit. Ndeshja miqësore zhvillohet në prag të hedhjes së shortit, por edhe në të njëjtën ditë me miqësoren që do të zhvillojë ekipi i parë përballë ekipit të Gjeorgjisë në stadiumin kombëtar "Qemal Stafa".

Përpara sfidës trajneri Skënder Gega rrëfen për gazetën "Shqiptarja.com" emrat e rinj që ka afruar. "Për ndeshjen miqësore me Maqedoninë kemi thirrur shumë futbollistë të rinj nga Greqia, Itali, Zvicra, Gjermania, por edhe Anglia. Do të jetë një test mjaft i rëndësishëm për të parë nga afër kapacitetin e tyre, aq më tepër në prag të hedhjes së shortit për eleminatoret e ardhshme" shprehet Gega.

Por kush janë disa nga emrat e rinj? "Disa nga futbollistët që afrohen për herë të parë në kombëtare janë Valentin Gjokaj, Kabashi i Juventusit, Pasarada që vjen nga Gjermania, por edhe shumë të tjerë. Kam shumë besim te Valentin Gjokaj, i cili luan me ekipin e Derbi Counrty si mbrojtës, madje është edhe kapiteni i ekipit. 19-vjecari ka treguar një formë shumë të mirë duke premtuar për të ardhmen.

Elvis Kabashi është një tjetër futbollist që bashkohet për herë të parë me ekipin U-21, pasi më parë ka luajtur me U-19. Aftësitë e tij i njohin të gjithë, pasi jo më kot është grumbulluar edhe me ekipin e parë të Juventusit. Në listë janë edhe shumë futbollistë të tjerë, mes tyre dhe Pasarada që vjen për herë të parë nga Gjermani. Në këtë ndeshje më shumë rendësi ka paraqitja e elementëve të rinj se rezultati" përfundon Gega.

Lista e fubtollisteve per ndeshjen me Maqedoninë:

Orestis Menka portier Levadhiakos

Amarildo Cekrezi portier Anderleht

Agonit Sallaj mbrojtes Biel - ben

Valentin Gjokaj mbrojtes Derby County

Armir Rahmani mrojtes Drenica

Leart Pacarada mbrojtes Leverkusen

Kastriot Dermaku mbrojtes Melfi

Gentian Duraku mbrojtes Nojmunster

Mergim Bajraktari mesfushor Thun

Shpend Matoshi mesfushor Kiaso

Gjelbrim Tahipi mesfushor Shkendija

Idriz Batha mesfushor Besa

Andi Thanoj mesfushor Grimsbi

Mergim Brahimi mesfushor Grasshopper

Klodian Gjino mesfushor Olimpiakos

Elvis Kabashi mesfushor Juventus

Vasil Shkurtaj sulmues Tondela

Valon Ahmeti sulmues Sud Tirol

Liridon Selmani sulmues Hamstad






Dylber Balla