Receta

Kadaif me qumësht dhe arra nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 18 Dhjetor 2023, 14:22 | Përditesimi: 18 Dhjetor 2023, 14:24

Kadaif me qumësht dhe arra

Përbërësit:

1 kg kadaif
350 gr gjalpë
100 ml qumësht
250 gr arra

Shurupi:

LEXO EDHE:
Pulë me oriz në furrë nga zonja Albana

1.5 kg sheqer
1.250 ml ujë
1 vanilje
Lëkurë limoni

Përgatitja:

Hapim kadaifin mirë në një tepsi duke i veçuar fijet sa të shkriftohet plotësisht. Lyejmë tavën me gjalpë dhe marrim pjesë-pjesë gjysmën e kadaifit dhe e vendosim me radhë në tavë. Shtrojmë arrat e mbi to shpërndajmë edhe gjysmën tjetër derisa të mbarohet. Me lugë i hedhim gjalpin sipër në të gjithë sipërfaqen dhe me majat e gishtave të dorës e lëkundim nga vendi që të njomet prej gjalpit. Më pas e spërkasim mirë me qumësht dhe e vendosim të piqet në furrë të parangrohur në temperaturën 180 gradë për 30 minuta. Pasi e nxjerrim nga pjekja e lëmë të ftohet pak dhe e presim.

Përgatisim shurupin. Në tenxhere hedhim sheqerin, ujin, cipat e limonit. E vendosim në zjarr dhe e trazojmë sa të tretet sheqeri dhe e lëmë të vlojë 5-6 minuta. Në fund shtojmë vaniljen dhe e largojmë nga zjarri. E lëmë të ftohet pak dhe ia hedhim kadaifit duke e lënë zbuluar (edhe kadaifi kur i hidhet shurupi duhet të jetë i ngrohtë).

MC/Shqiptarja.com

TAG: