Receta

Kafshatëza të mbushura /Mantia me patate dhe mish të grirë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 24 Maj, 11:32 | Përditesimi: 24 Maj, 11:34

Mantia me patate dhe mish të grirë

Përbërësit:

500 gr miell
1 lugë maja
3 vezë
500 ml qumësht
2 lgj gjalpë
4 patate të mëdha
300 gr mish i grirë
2 qepë mesatare
1 tufë majdanoz
Kripë, piper i zi, piper i kuq

Përgatitja:

LEXO EDHE:
Fërgesë me speca, domate, djathë dhe vezë nga zonja Albana

Fillimisht zemë brumin me miell, vezë dhe qumësht. E lëmë brumin të qetësohet (mund të marrim dhe petë të gatshme) dhe ndërkohë vendosim patatet të ziejnë në ujë me kripë. Pasi ziejnë i kthejmë në pure. Mishin e grirë e kalojmë në një tigan së bashku me qepën e grirë imët dhe e kaurdisim mirë derisa mishi të përthithë lëngjet dhe të kokrrizohet. Rregullojmë shijen me kripë, piper dhe majdanoz. Shtojmë dhe purenë e patateve dhe e lemë masën e mbushjes të ftohet. Hapim një petë të trashë mbi tryezën e punës dhe e ndajmë në katrore. Në mes të çdo katrori vendosim nga një lugë mbushje. I mbledhim dhe i vendosim në një tavë të lyer me pak gjalpë. I vendosim mantiat të piqen në furrë në temperaturën 200 gradë Celsius për 30 minuta.

MC/Shqiptarja.com

TAG: