Kaka është rikthyer zyrtarisht te ekipi i Milanit, pasi ka arritur marrëveshje me klubin italian duke pranuar uljen e pagës prej 10 milionë që merrte te Reali.

 “Po rikthehem në shtëpi sërish. Jam shumë i lumtur që jam rikthyer te Milani. Ne kemi një ekip të shkëlqyeshëm. Mezi pres të luaj në San Siro sërish dhe ndjej të njëjtat emocione si më herët. Do të mbaj fanellën me numër 22, sërish.

Përmes Milanit shpresoj që të arrij edhe një vend në kampionatin botëror që do të zhvillohet në 2014 në Brazil. Akoma nuk kam harruar që të luaj, te Milani ka futbollistë të talentuar, do të bëjmë një edicion të mirë”, shprehet Kaka.

Kaka u largua nga Milani drejt Real Madridit në vitin 2009 për 65 milionë euro, dhe rikthehet si lojtar i lirë me kontratë deri në vitin 2015.

d.b/shqiptarja.com