KAKAVIJË-Një sasi prej 39 kilogramë kanabis është sekuestruar ditën e djeshme në Kakavijë, ndërsa tre personat që po transportonin lëndën narkotike kanë arritur të largohen.
 
Punonjësit e Policisë Kufitare gjatë patrullimit në kufirin e gjelbër mbi fshatin Kakavijë, në rrugën drejt liqenit të këtij fshati kanë konstatuar 3 persona, dy prej të cilëve transportonin dy  çanta shpine ku dyshohej se brenda tyre kishte lëndë narkotike.
 
Menjëherë shërbimet e  Policisë Kufitare janë vënë në ndjekje të këtyre personave,  ku u është bërë thirrje për të ndaluar.
 
Por të tre shtetasit duke përfituar nga terreni i thyer dhe i pyllëzuar  kanë mundur të largohen duke braktisur dy çantat.
 
Lënda narkotike u sekuestrua në cilësinë e provës materiale.
 
Policia Kufitare në bashkëpunim me Sektorin për Hetimin e Narkotikëve në D.V.P.Gjirokastër po punojnë  për identifikimin dhe kapjen e këtyre personave.

[gallery]22751[/gallery]

Redaksia Online
Al.N/Shqiptarja.com