POP 5

Lajmet më të lexuara të 5 minutave të fundit

Politikë

Kalojnë listat e 15 partive për
18 qershorin, PD braktis KQZ

Listat shumëemërore të partive sot kanë sjellë përplasje mes anëtarëve të majtë dhe të djathtë në Komisionin Qendror të Zgjedhjeve. Po sot KQZ ka gjobitur PS per mosbarazi gjinore ne listat e kandidateve te Beratit  VIDEO
TIRANE-Listat shumëemërore të partive sot kanë sjellë përplasje mes anëtarëve të majtë dhe të djathtë në Komisionin Qendror të Zgjedhjeve.

Përfaqësues të PD-së në KQZ u shprehën se nuk ka kohë fizike për të shqyrtuar të gjitha listat e partive. Sipas tyre nevojitet 1 dite kohe per ta bere kete gje, ndërsa Biba u shpreh se ato duhen mbyllur.
​
Anëtarët e djathtë në shenjë proteste braktisin mbledhjen dhe largohen duke bojkotuar tryezën e sotme.

Kjo u konsiderua si tentativë për shtyrje artificiale të kohës nga përfaqësuesi i Partisë Socialiste në KQZ, Eridian Salianji, i cili tha se këto verifikime i kishte bërë njëherë administrata e KQZ.

Pas hedhjes në votim të propozimit, anëtarët e shumicës votuan kundër dhe kjo u bë shkak që përfaqësuesit e opozitës të braktisnin mbledhjen.

Pavaresisht kësaj, Komisioni Qëndror i Zgjedhjeve miratoi listat shumëemërore të Partive Politike të regjistruara në zgjedhjet e 18 qershorit. 27 kandidatë rezultuan se kishin marrë dënime nga gjykatat por që nuk ndaloheshin për të kandiduar në bazë të ligjit të dekriminalizimit. Ndërsa për zgjedhjet e Kavajës, Komisioni Qëndror i Zgjedhjeve konstatoi formalisht se asnjë komisioner nuk ishte paraqitur për të marrë në dorëzim materialet zgjedhore, duke e bërë të pamundur zhvillimin e votimit për këtë Bashki.

Gjithsej për zgjedhjet e 18 qershorit janë regjistruar 15 parti politike. Afati i fundit për miratimin e fletës së votimit, është data 9 maj

Tre anëtarët e PD: Vendimmarrja e KQZ abuzive, u shkel Kodi
Tre anëtarët e opozitës në Komisionin Qendror të Zgjedhjeve, zv/kryetari i këtij institucioni Hysen Osmanaj dhe dy anëtarët, Vera Shtjefni dhe Klement Zguri, kanë sqaruar arsyet se pse braktisën mbledhjen e KQZ-së.
 
Përmes një deklarate shpërndarë për mediat, përfaqësuesit e PD akuzojnë KQZ-në se mori vendimmarrje abuzive sa i takon miratimit të listave shumë emërore të kandidatëve për deputetë.
 
Sipas tyre, KQZ nuk mori parasysh kërkesën e tre anëtarëve për verifikimin e dokumentacionit të paraqitur nga partitë politike. Duke e cilësuar vendimin e tij për të miratuar listat shumë emërore tre anëtarët thonë se kjo është një tjetër shkelje.

Deklarata e perfaqesuesve te djathte te KQZ

Komisioni Qendror i Zgjedhjeve, ne mbledhjen e dt. 07. 05. 2017, do të shqyrtonte disa projekt-vendime për miratimin e listave shumemërore të kandidateve per deputet të paraqitura nga partite politike.
Tre anëtarët e KQZ konstatuan se për disa subjekte zgjedhore kishte parregullsi/mospërputhje mes nënshkrimeve mbështetëse në lista dhe atyre të vendosura në kopjet e kartave të identitetit.
Ne kërkuam verifikimin e këtij dokumentacioni. Kërkesa ishte në përputhje të plotë me Kodin Zgjedhor dhe eshte detyrim i KQZ për të verifikuar nënshkrimet mbështetëse të zgjedhësve për kandidatët dhe për të përjashtuar nënshkrimet e parregullta, sikurse e percakton neni 71 i Kodit Zgjedhor.
Kryetari i KQZ refuzoi të kryejë këtë procedurë dhe e rrëzoi këkesën tonë përmes një votimi të pambështetur në ligj.
Vendimmarrja e kryetarit të KQZ për të penguar ligjshmërinë dhe trasparencën e dokumentacionit të kandidatëve për deputet dhe për të na penguar të ushtrojmë detyrën është një sjellje e përsëritur në dëm të misionit dhe detyrave të KQZ dhe në favor të interesave të subjekteve të caktuara zgjedhore.
Fatkeqësisht kjo vendimarrje e re abuzive, është ne vazhdën e vendimarrjeve të paligjshme të KQZ, si për shembull regjistrimi i listave të kandidateve të subjekteve zgjedhore tej afatit ligjor. Ne si anëtarë të KQZ-se, shprehim shqetësimin se kjo sjellje e KQZ-se po cënon rëndë procesin zgjedhor dhe po inkurajon dhe hap rrugën manipulimeve zgjedhore.
 
Hysen Osmanaj, Zv/Kryetar i KQZ-se     
Vera Shtjefni, Anetare
Klement Zguri, Anetar                                        

KQZ gjobit PS
Pas Lëvizjes Socialiste për Integrim, edhe Partia Socialiste është gjobitur me 1 mln lekë nga KQZ pasi nuk kanë respektuar nenet për kuotat gjinore.

Lista e PS  në qytetin e Beratit kryesohet nga Blendi Klosi, Ermonela Valikaj, Atnor Shameti e ndërsa ndiqet më pas nga tre meshkuj të tjerë.

Siç parashikojnë nenet 67 dhe 175 të Kodit Zgjedhor, 1 në 3 emrat duhet të jetë i gjinisë tjetër. Në këtë rast kemi të bëjmë me një diskriminim për femrat.

Lista e PS në Berat
Blendi Klosi
 
Ermonela Valikaj
 
Atnor Shameti
 
Fadil Nasufi
 
Arben Konomi
 
Eugent Kallfani
 
Saimir Plaku
 
Jorid Çelaj 

(d.b-B.K/Shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49