POP 5

Lajmet më të lexuara të 5 minutave të fundit

Kronikë

Kamionët e Kosovës bllokohen në Serbi, Rama kërkesë Vuçiç: Ta bëjmë rajonin shembull të solidaritet, ngri traun

Bllokimi i disa kamionëve me mallra të Kosovës në doganën serbe prej 24 orësh, ka sjellë reagimin e kryeministrit Rama, i cili i drejtohet Vuçiç të ngrejë traun dhe të lejojë që ato të kalojnë.

Kamionët e Kosovës bllokohen në Serbi, Rama kërkesë Vuçiç: Ta bëjmë rajonin shembull të solidaritet, ngri traun

"Le ta bëjmë rajonin tonë shembull të solidariteti, të luftojmë së bashku kundër këtij armiku të padukshëm që nuk njeh kufij", ka qenë mesazhi i qartë dhe i ndjerë që kryeministri Rama i ka dërguar presidentit serb, Aleksandër Vuçiç.

Bllokimi i disa kamionëve me mallra të Kosovës në doganën serbe prej 24 orësh, ka sjellë reagimin e kryeministrit Rama, i cili i drejtohet Vuçiç të ngrejë traun dhe të lejojë ato të kalojnë. Rama shprehet se COVID-19, që nuk njeh kufij, mund ta mposhtim vetëm duke bashkëpunuar dhe ndihmuar njëri-tjetrin.

Rama tha se krijimi i Linjës së Gjelbër për vendet e rajonit për të lehtësuar kalimin e mallrave në këtë situatë duhet të shërbejë brenda vendeve të rajonit që të funksionojnë si një i vetëm në këtë situatë të vështirë.

"Prej 24h kamionët me mallra nga Kosova janë bllokuar në kufirin e Serbisë! Linja e Gjelbërt në rajon s'mund t'i nënshtrohet rregullave të çdo vendi, po veç një rregulli të thjeshtë: Këtë luftë që duhet ta fitojmë së bashku duke ndihmuar njëri-tjetrin jo armikun e pakufi! Vetëm përmes solidaritetit pa kufi e kompasionit si njerëz të sulmuar nga një armik i egër, ne mund e duhet të fitojmë! Ju lutem z.President ngrijeni traun për kamionët e le ta bëjmë rajonin tonë shembullin rrezatues të Solidaritetit kaq të nevojshëm për ta fituar luftën", shkruan Rama në twitter.

I.K/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58