Lajmi i ZDF për kampin e refugjatëve në Shqipëri, MB: Spekulime, asgjë nuk është e vërtetë

Lajmi i ZDF për kampin e refugjatëve në Shqipëri, MB: Spekulime, asgjë nuk është e vërtetë

Zv/ministri i Brendshëm, Julian Hodaj

Nisur nga jehona mediatike e një kronike televizive të rrjetit gjerman ZDF një ditë më parë se Shqipëria është gati të presë 600 mijë refugjatë nga Lindja e Mesme, ka reaguar Ministria e Brendshme. Sipas MB, kronika e TV gjerman përmban spekulime dhe keqpërdorime për këtë çështje, e cila nuk ka qenë dhe nuk është në diskutim. 

Ministria e Brendshme sqaron gjithashtu se deklarata e zv/ministrit të Brendshëm, Julian Hodaj, e cituar në kronikë nga Tv gjerman, nuk është përcjellë në atë kontekst që është shprehur numri dy i Ministrisë së Brendshme. 

"Ndërtimi i kampeve për imigrantë nuk është një çështje në shqyrtim apo në diskutim. Askush nuk e ka kërkuar deri më sot dhe askush nuk e ka ofruar një gjë të tillë". 

Thuhet në reagimin e MB

Sipas Ministrisë së Brendshme, thëniet e zv/ministrit Julian Hodaj, të cituara në kronikë janë përgjigjja e një pyetje konkrete: “Çfarë mund të bënte Shqipëria në kushtet e një emergjence imigrantësh?” 

Përgjigjja e kësaj pyetjeje është ajo që citohet:

Shqipëria e ka treguar gjatë luftës së Kosovës se është në gjendje të përballojë këto emergjenca”. 

Julian Hodaj, zv/ministër i Brendshëm

Pra përgjigjja lidhet me një situatë hipotetike emergjence, si ajo gjatë luftës së Kosovës ku pati një angazhim shtetëror e popullor, dhe jo mbi një diskutim nëse një kamp mund të ndërtohet ose jo në Shqipëri.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 20/06/2018 23:49

    E tërë kjo vie nga PD që nga fillimi!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024